आफताब पूनावालाने त्याची लिव्ह-इन पार्टनर श्रद्धा वालकरची हत्या करून तिच्या मृतदेहाचे तुकडे केल्याच्या घटनेमुळे संपूर्ण देश हादरला आहे. आज त्याची नार्को टेस्ट करण्यात आली. आफताबबाबत आता रोज नवनवीन खुलासे होत आहेत. मे महिन्यात श्रद्धाच्या हत्येनंतर तो 12 महिलांच्या संपर्कात होता. यातील काहीजणी त्याच्या फ्लॅटवरही आल्या होत्या. पोलिसांनी आतापर्यंत अशा 12 महिलांचे जबाब नोंदवले आहेत.
आफताबने ज्या महिलेला श्रद्धाची अंगठी दिली होती, त्या महिलेचा जबाब पोलिसांनी नोंदवला आहे. मानसशास्त्रज्ञ असलेल्या महिलेशी आफताबची ओळख डेटिंग एपच्या माध्यमातून झाली होती. मे महिन्याच्या अखेरीस दोघे एकमेकांच्या संपर्कात आले. या महिलेने ऑक्टोबरमध्ये दोनदा छतरपूर येथील घराला भेट दिली होती जिथे श्रद्धाची हत्या करण्यात आली होती. त्य़ावेळी नेमकं काय घडायचं हे महिलेने सांगितलं आहे.
"आम्हाला आफताबचे 70 तुकडे करायचे आहेत कारण त्याने आमच्या बहिणीचे 35 तुकडे केले"
पोलिसांना दिलेल्या माहितीत महिलेने सांगितले आहे की, जेव्हा ती आफताबला त्याच्या फ्लॅटमध्ये भेटली तेव्हा तो पूर्णपणे नॉर्मल आणि आनंदी दिसत होता. तिने सांगितले की, जेव्हा श्रद्धाची हत्या उघडकीस आली तेव्हा तिला मोठा धक्का बसला. ज्या घरामध्ये ती आफताबला भेटायला गेली होती त्याच घराच्या फ्रीजमध्ये श्रद्धाच्या मृतदेहाचे तुकडे लपवून ठेवले होते.
तिहार जेलमध्ये 'अशी' गेली आफताबची पहिली रात्र; आरामात झोपला, चेहऱ्यावर नव्हतं टेन्शन अन्...
तिहार जेलमध्ये आफताब आत्महत्या करू शकतो?, अधिकाऱ्यांना वेगळीच भीती; श्रद्धाबद्दल विचारलं की...
सूत्रांनी दिलेल्या माहितीनुसार, महिलेने सांगितले की आफताबच्या फ्लॅटमध्ये अनेक परफ्यूम आणि डीओ आहेत. त्याने तिला त्याची एक बाटलीही भेट दिली होती. तो सतत सिगारेट ओढत होता पण त्याच बरोबर मला सिगारेट सोडायची आहे असेही सांगत होता. तसेच आफताबने तिला सप्टेंबरमध्ये मुंबईला जाणार असल्याचे सांगितले होते आणि अनेकदा मुंबईत आपले घर असल्याचेही बोलला होता. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"