कल्याणातील धक्कादायक घटना; जुन्या वादातून तरुणाची हत्या

या प्रकरणी कोळशेवाडी पोलिसांनी 3 आरोपींना अटक करत पुढील तपास सुरू केला आहे.

कल्याण - कल्याण पूर्वेतील चक्कीनाक परिसरात जुन्या वादातून राजू पाटील या तरुणाला बेदम मारहाण करण्यात आली होती. उपचारादरम्यान राजू याचा मृत्यू झाला. या प्रकरणी कोळशेवाडी पोलिसांनी 3 आरोपींना अटक करत पुढील तपास सुरू केला आहे. शंभूप्रसाद यादव, अभिनंदन यादव, रक्षाराम यादव अशी अटक आरोपींची नावे आहेत.