सोलापूर: आनंदाच्या जल्लोषामध्ये लग्नाच्या रिसेप्शन पार्टीत दिलखुलासपणे नाचताना धक्काबुक्की झाल्यानं दोघा तरुणांना जमावाकडून बेदम धुलाई करुन घ्यावी लागली. रविवारच्या मध्यरात्री १२:३० च्या सुमारास बापूजी नगरात ही घटना घडली. अदित्य अरुण शेळके (वय- २०) व अमन नदाफ (वय- २०, दोघे रा. बापजी नगर) अशी जखमींची नावे आहेत.
यातील बापूजी नगरमध्ये जखमींच्या ओळखीतील एकाची रविवारी रात्री लग्नाबद्दल रिसेप्शन पार्टी ठेवली होती. सारेचजण संगीताच्या तालावर नाचत होते. यामध्ये अदित्य व अमन दोघेही जल्लोषात नाचत असताना जमावातील काहींना त्यांचा धक्का लागला. चिडलेल्या १० ते १५ जमावाने लोखंडी पट्टी, काठीने, लाथाबुक्यानं दोघांनी धुलाई केली.
रविवारच्या मध्यरात्री १२ नंतर ही घटना घडली. या मारहाणीत दोघांच्याही डोक्यावर, पाठीला तसेच सर्वांगाला मुका मार लागला. पहाटे दोन वाजता जखमी अवस्थेत दोघांनाही मित्र फिरोज कुरेशी यांनी शासकीय रुग्णालयात दाखल केले आहे. सिव्हील पोलिस चौकीत या घटनेची नोंद झाली आहे.