West Bengal Crime News : पश्चिम बंगालच्या बर्धमान जिल्ह्यातून आत्महत्येची एक हैराण करणारी घटना समोर आली आहे. इथे एका 12वीत शिकणाऱ्या विद्यार्थीनीने गळफास घेऊन आत्महत्या केली. मृत्यूआधी तरूणीने गळफास घेऊन सेल्फी काढला आणि आपल्या प्रियकराला पाठवला. घटनेची सूचना मिळताच पोलीस घटनास्थळी पोहोचले आणि मृतदेह पोस्टमार्टमला पाठवला. आता पोलीस प्रकरणाची चौकशी करत आहेत.
ही घटना पूर्व बर्धमान जिल्ह्यातील कालनाच्या कुमार पारा भागातील आहे. मृत विद्यार्थीनीच्या कुटुंबियांनी सांगितलं की, त्यांच्या मुलीचं मुंबईत राहणाऱ्या एका तरूणासोबत प्रेमप्रकरण सुरू होतं. दोघेही मोबाइल आणि सोशल मीडियावर बोलत होते. मंगळवारी त्यांच्या मुलीची फोन बिझी येत होता. यामुळे तिचा प्रियकर नाराज झाला होता आणि त्याने नातं तोडण्याची धमकी दिली होती.
यावरूनच दोघांमध्ये वाद झाला होता. मग तरूणीला भिती वाटत होती की, तिचा प्रियकर नातं तर तोडणार नाही ना. याच्याच टेंशनमध्ये तरूणीने गळफास घेतला आणि सेल्फी घेऊन प्रियकराला पाठवला. मग तिने आत्महत्या केली.
कुटुंबियांनी सांगितलं की, त्यांचं प्रेम पूर्णपणे डिजिटल होतं. दोघांची भेट सोशल मीडियाच्या माध्यमातून झाली होती. मग ते फोनवर बोलत होते. पोलिसांनी आत्महत्येची केस दाखल केली आहे. तरूणीच्या प्रियकराची चौकशी करण्यासाठी पोलिसांची एक टीम मुंबईला रवाना झाली आहे.