मुंबई - दहिसरच्या एसबीआय बँकेवरगोळीबार करण्यात आला आहे. पोलीस पथक घटनास्थळी दाखल झाले असून हा भाग एमएचबी पोलिसांच्या हद्दीत असून यात कोणी जखमी झाले आहे का? याबाबत माहिती मिळू शकलेली नाही. या घटनेची माहिती मिळताच अप्पर पोलीस आयुक्त प्रवीण पडवळ हे घटनास्थळी रवाना झाले आहेत.
सदर घटना चारच्या सुमारास घडल्याची माहिती असून याप्रकरणी पोलीस सीसीटीव्हीची मदत घेत आरोपीचा शोध घेत आहेत. या गोळीबारात एकजण जखमी झाला असून याप्रकरणी अधिक तपास सुरू आहे अशी माहिती अप्पर पोलीस आयुक्त प्रवीण पडवळ यांनी लोकमतशी बोलताना दिली.
सीसीटीव्हीत गोळीबार करणाऱ्या संशयित इसमाचा फोटो सापडला आहे. तर जखमी झालेल्या इसमाचा मृत्यू झाला आहे. त्याच्या छातीला एक राउंड लागल्याने तो गंभीर जखमी झाला होता. त्याला शताब्दी रुग्णालयात उपचारासाठी दाखल केले होते. मात्र त्याचा मृत्यू झाला. संदेश गोमारे (२५) असे मयताचे नाव आहे. तो आउट सोर्सिंग कर्मचारी होता. बँकेचा स्टाफ नव्हता. पोलिसांची आठ पथकं या प्रकरणाच्या तपासासाठी नेमण्यात आली आहेत.