जॅकलीन फर्नांडिस (Jacqueline Fernandez) आणि नोरा फतेही (Nora Fatehi) महाठग सुकेश चंद्रशेखर (Sukesh Chandrashekhar) याच्यासोबतच्या संबंधामुळे चांगल्याच वादात सापडल्या आहेत. याप्रकरणी दररोज नवीन माहिती समोर येत आहे. जॅकलीनसोबतच नोरालाही सुकेशने महागडे गिफ्ट दिल्याचा आरोप आहे. अशात आता नोरा फतेही आणि सुकेश चंद्रशेखरचं चॅट (Nora Fatehi and Sukesh Chandrashekhar Chat) समोर आलं आहे. या चॅटमध्ये सुकेश नोराला महागडं गिफ्ट देण्याबाबत बोलत आहे.
या चॅटमध्ये नोरा फतेही सुद्धा सुकेशकडून गिफ्ट स्वीकारण्याबाबत बोलत आहे. नोरा सुकेश यांच्यातील चॅट इंडिया टुडेच्या हाती लागलं आहे. त्यांच्या रिपोर्टनुसार, चंद्रशेखरने नोरा फतेहीला अनेक लक्झरी गिफ्ट दिले. लीक झालेल्या चॅटमध्ये चंद्रशेखरने नोरा विचारलं की, 'तुला रेंज रोव्हर कार आवडते का?' यावर नोरा म्हणाली की, 'हो, ही एक चांगली रफ यूज कार आहे. ही कार चांगली कार आहे. एक स्टेटमेंट कार आहे'. मग त्याने उत्तर दिलं की, 'मी तुला आणखी काही ऑप्शन देणार'.
एका दुसऱ्या चॅटमध्ये सुकेश चंद्रशेखरने नोरा फतेहीला मेसेज केला की, 'जर तू एक मिनिटासाठी बोलू शकत असशील तर मला आनंद होईल आणि यासाठी मी तुझा आभारी असेल. मला आशा आहे की, तू किंवा तुझी एजन्सी याचा विचार करत नसाल की, मी हे गिफ्ट का दिलं. मला हे स्पष्ट करायचं आहे की, हे कोणत्याही प्रकारच्या उद्देशाने करण्यात आलेलं नाही. हे केलं कारण जेव्हा कुणी कुणाला पसंत करतं तेव्हा तुम्ही त्याला गिफ्ट देता. बस याच कारणाने मी हे करत आहे, आणखी काही नाही'.
तिहार तुरूंगात बंद आहे सुकेश
ईडीने नोरा फतेही आणि जॅकलीन फर्नांडिस दोघींचीही अनेकदा चौकशी केली. ईडी २०० कोटी रूपयांच्या मनी लॉन्ड्रिंग केसमध्ये सुकेशशी संबंधित लोकांची चौकशी करत आहे. चंद्रशेखर सध्या तिहार तुरूंगात बंद आहे. महाठग सुकेशने ईडीला सांगितलं की, त्याने जॅकलीनच्या अमेरिकेत राहणाऱ्या बहिणीला पैसे ट्रान्सफर केले होते. पण जॅकलीनने ईडीला याबाबत खरं काही सांगितलं नाही.
जॅकलीनच्या बहिणीला दिले होते पैसे
चंद्रशेखरने चौकशी दरम्यान सांगितलं की, त्याने जॅकलीनची अमेरिकेत राहणारी बहीण गेराल्डिनला १ लाख ८० हजार डॉलर ट्रान्सफर केले होते. तर जॅकलीनने चौकशीदरम्यान १ लाख ५० हजार डॉलर सांगितले होते.