Bride ran away with Boyfriend : बिहारच्या (Bihar) मुंगेरमधून एक अजब घटना समोर आली आहे. इथे लग्नाच्या केवळ सात दिवसांनंतर एक नवविवाहित नवरी आपल्या प्रियकराचा हात पकडून रफूचक्कर झाली. हैराण करणारी बाब ही की, पतीसमोरच ही पूर्ण घटना घडली. पतीने तिला पाठलाग करण्याचा प्रयत्न केला, पण तोपर्यंत दोघेही घटनास्थळावरून फरार झाले. याप्रकरणी चौकशी करत असलेल्या पोलिसांनी नव्या नवरीला आणि तिच्या प्रियकराला अटक केली.
इथे पोद्दार कॉलनीमध्ये राहणाऱ्या सुरज कुमार(बदललेलं नाव) चं लग्न नौवागढी इथे राहणाऱ्या राणी(बदललेलं नाव) सोबत 14 जून रोजी झालं होतं. लग्नानंतर चार दिवस नवरी सासरी राहिली. त्यानंतर 18 जून रोजी ती तिच्या माहेरी गेली. 21 जूनला ती पुन्हा सासरी आली आणि दुसऱ्या दिवशी म्हणजे 22 तारखेला प्रियकरासोबत फरार झाली.
तरूणी पतीला म्हणाली की, 'मार्केटमध्ये चला, मला बांगड्या आणि काही वस्तू खरेदी करायच्या आहेत. पतीला तिला घेऊन मार्केटमध्ये गेला. पत्नी पतीला म्हणाली की, तुम्ही माझ्यासाठी बांगड्या पसंत करा. जसा पती बांगड्या बघू लागला, तशी तरूणी मागे वाट बघत असलेल्या प्रियकराचा हात पकडून पळून गेली. पतीने दोघांचा पाठलागही केला. पण तोपर्यंत दोघेही गाडीत बसून फरार झाले.
पीडित तरूण आई आणि बहिणीसोबत घडलेल्या प्रकाराची तक्रार देण्यासाठी पोलीस स्टेशनमध्ये गेला. पोलिसांना त्याने सांगितलं की, तो एका दुकानात बांगड्या खरेदी करत होता. तेव्हाच माझ्या पतीने दुसऱ्या तरूणाचा हात पकडला आणि रस्त्यावर उभी असलेल्या स्कॉर्पिओ गाडी बसून गेली. तिने यावेळी लग्नातील दागिनेही घातले होते आणि सोबत काही कागदपत्रही घेऊन आली होती. जे ती सोबत घेऊन गेली.
याप्रकरणी नवरीच्या सासूने सांगितलं की, आम्हाला एकच मुलगा आहे. मोठ्या आनंदाने त्याचं लग्न केलं. पण सून चुकीची निघाली. जर तिला तिच्या प्रियकरासोबत जायचंच होतं तर तिने लग्नच का केलं. आमच्या परिवारासोबत तिच्या परिवाराने दगा केला. आता आमची नामुष्की होत आहे.
नवरीचा प्रियकर मनोज कुमार (बदललेलं नाव) म्हणाला की, 'मी व्यवसायाने ड्रायव्हर आहे आणि दुसऱ्याची गाडी चालवतो. आमच्यात गेल्या सहा वर्षांपासून प्रेमसंबंध सुरू आहेत. पण प्रेयसीच्या घरचे लोक आमचं लग्न लावून देण्यास तयार नव्हते. जबरदस्ती तिचं लग्न दुसरीकडे केलं गेलं. त्यानंतर ती सासरहून फोन करून सतत रडत होती आणि जीव देण्याचं बोलत होती. त्यानंतर आम्ही पळून बेगूसरायला गेलो आणि आज नौवागढीला आलो. पोलीस पुढील कारवाई करत आहेत.