Crime News : मध्य प्रदेशच्या इंदुरमधून प्रेमाच्या नात्याला काळिमा फासणारी एक घटना समोर आली आहे. इथे दिराने त्याच्या वहिणीवर बलात्कार केला. इतकंच नाही तर मित्रालाही तिच्यावर अत्याचार करण्यास सांगितलं. पीडित महिलेने पोलिसात याबाबत तक्रार दाखल केली आहे. त्यानंतर पोलिसांनी दोन्ही आरोपींना अटक केली.
माहितीनुसार, महिला काही कामाने बाहेर गेली होती. काम संपल्यावर ती पायी घरी जात होती. यादरम्यान रस्त्यात तिला तिचा दीर भेटला. दीर महिलेला म्हणाला की, तो तिला रिक्षा सोडेल. दिराच्या सांगण्यावरून महिला रिक्षात बसली. त्यावेळी रिक्षात त्याचा मित्रही होता. घरी जात असताना त्याने रिक्षा वेगळ्याच ठिकाणी वळवली जिथे कुणीच नव्हती.
महिलेने याचा विरोध केला तर दिराच्या मित्राने तिचं तोंड बंद केलं आणि तिला जोरात पकडलं. दिराने एका ठिकाणी रिक्षा थांबवली आणि दोन्ही आरोपींनी तिच्यावर बलात्कार केला. महिलेने विरोध केला तर तिला मारहाण करण्यात आली. रेपनंतर आरोपी महिलेला म्हणाले की, पोलिसांना किंवा अजून कुणाला सांगितलं तर ते तिचा जीव घेतील.
घरी पोहोचलेल्या महिलेने पतीला तिच्यासोबत घडलेल्या घटनेबाबत सांगितलं. त्यानंतर पती आपल्या पत्नीला घेऊन पोलिसांकडे गेला. तिने आरोपी दीर आणि त्याच्या मित्रा विरोधात तक्रार दाखल केली. त्यानंतर पोलिसांनी दोन्ही आरोपींना अटक केली.