दोन राज्यात वेगवेगळ्या बायका ठेवण्याचे स्वप्न बिहारच्या जमुई येथील एका तरुणाला महागात पडलं आहे. हा तरुण आपल्या गर्लफ्रेंडसोबत भोपाळला निघाला होता, मात्र गर्लफ्रेंडच्या नातेवाईकांनी त्याला रेल्वे स्टेशनवर पकडलं आणि पोलीस ठाण्यात नेलं. मुलीच्या कुटुंबीयांच्या तक्रारीवरून पोलीस कारवाई करत आहेत. तरूण विवाहित असून त्याला दोन वर्षांची मुलगीही असल्याचे सांगण्यात येत आहे.
मिळालेल्या माहितीनुसार, झाझा पोलीस स्टेशन परिसरात राहणाऱ्या विनोदची गेल्या वर्षी एका जत्रेत एका मुलीशी ओळख झाली. तेथून दोघांमध्ये प्रेमसंबंध झाले. दोघांनी मोबाईल नंबर शेअर केले आणि संभाषण सुरू झाले. तरुणाने तरुणीला लग्न करण्याचे आश्वासन दिले. नुकताच विनोद भोपाळहून त्याच्या गावी आला होता. याच दरम्यान दोघांनी मिळून पळून जाण्याचा बेत आखला.
तरुणीने सांगितले की, विनोद विवाहित असल्याचे मला माहीत होते. असे विचारले असता विनोदने सांगितले की, सुरुवातीला काही महिने भोपाळमध्ये ठेवणार होता, नंतर बिहारला आणणार आणि दोन्ही पत्नींना सोबत ठेवणार होता. मात्र मुलीच्या कुटुंबीयांना याची माहिती मिळाली. झाझा रेल्वे स्थानकातून दोघांना पकडून बेदम मारहाण केली. यानंतर त्याला पोलिसांच्या ताब्यात देण्यात आले.
विनोदने पोलिसांना सांगितले की, दोघेही एकमेकांना ओळखतात. तो म्हणाला की, मी भोपाळला गेल्याची बातमी ऐकून मुलगी स्वतः माझ्या मागे लागली आहे. पोलिसांनी गुन्हा दाखल करून आरोपी तरुणाला अटक केली. यादरम्यान तरुणाची पत्नी आपल्या मुलीसह खैरा पोलीस ठाण्यात आली आणि पतीला सोडण्याची विनंती करत होती. काहीही झालं तरी चूक समजून माफ करा आणि नवऱ्याला सोडून द्या, अशी विनवणी पत्नी करत होती. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"