Weird News : जगभरातून चोरी अजब अजब घटना समोर येत असतात. आता गुजरातमधील अहमदाबादच्या एका गावातून चोरी अजब घटना समोर आली आहे. येथील पच्छम गावात 30 वर्षीय महिलेसोबत अजब घटना घडली. जेव्हाही ती तिचे कपडे बाहेर वाळत घालत होती, त्यातील तिचे अंडरगारमेट्स चोरी होत होते. चोरीचा संशय 31 वर्षीय एका शेजाऱ्यावर होता. गेल्या 8 महिन्यांपासून तिचे अंडरगारमेंट्स कोण चोरी करतय याचा तपास महिनेच सुरू केला.
पोलिसांनी सांगितलं की, महिलेने एक गुप्त सीसीटीव्ही कॅमेरा कपडे वाळत घालते त्या ठिकाणी फिट केला. जेणेकरून चोराला रंगेहाथ पकडता यावं. यानंतर महिलेने लक्ष ठेवणं सुरू केलं. जेव्हा फुटेज समोर आलं तेव्हा तिचा संशय खरा ठरला. तिला समजलं की, तिचे अंडरगारमेंट्स चोरी करणारा दुसरा कुणी नाही तर शेजारी राहणारा व्यक्तीच आहे.
महिलेने ठरवलं की, ती आता अंडरगारमेंट्स चोरी करणाऱ्या चोराला रंगेहाथ पकडेल. मग चोर नेहमीसारखा चोरी करण्यासाठी आला तेव्हा त्याला तिने पकडलं. पण उलट चोरानेच तिच्यासोबत छेडछाड केली आणि तिला मारहाण केली.
मारहाणीमुळे महिलेने आरडाओरड सुरू केली. तेव्हा तिचे कुटुंबिय काठ्या आणि लोखंडी पाइप घेऊन आले. महिलेच्या कुटुंबाने आरोपी आणि त्याच्या नातेवाईकांवर हल्ला केला. दोन्ही गटात मारामारी झाली. या केसची चौकशी करणाऱ्या पोलीस अधिकाऱ्यांनी सांगितलं की, या भांडणात 8 ते 10 लोक जखमी झाले आहेत. दोन्हीकडील 20 लोकांना अटक करण्यात आली आहे.
पोलिसांकडून महिलेच्या नातेवाईकांविरोधात वाद करणं आणि नुकसान पोहोचवण्याचा गुन्हा दाखल करण्यात आला. आरोपी आणि त्याच्या नातेवाईकावरही गुन्हे दाखल करण्यात आले आहेत.