उज्जैनला लागून असलेल्या नागदा जिल्ह्यातील विद्यागरात एक भीषण घटना उघडकीस आली आहे. ज्यावेळी एका महिलेच्या चारित्र्यावर संशय आला त्यावेळी तिचा नवरा, सासू - सासरे आणि एक नातेवाईक महिलेने क्रौर्याने पातळी ओलांडली. या सर्वांनी त्या महिलेचे स्तन, जीभ आणि गाल कापला. इतक्यावरच न थांबता त्यांनी त्या महिलेच्या तोंडात आणि गुप्तांगामध्ये लाटणे घातले.
हृदयद्रावक या कृत्यामुळे पीडित महिला बेशुद्ध पडली. यावर, तिचा मृत्यू झाल्याचं समजून तिला घराबाहेर फेकले आणि संधीचा फायदा घेऊन पीडित महिलेने पळ काढला. या घटनेपेक्षाही वेदनादायक बाब अशी होती की, आजूबाजूचे लोक हे सर्व पाहत राहिले, परंतु त्या महिलेला वाचविण्याची कोणालाही हिम्मत नव्हती.
राक्षसी कुटूंबातून पळून गेल्यानंतर ती महिला दहा मिनिटे रस्त्यावर तडफडत राहिली आणि मदतीसाठी हात पसरू लागली. पण कोणालाही त्या महिलेची अवस्था पाहून दया आली नाही. अखेरीस एकाने या घटनेची माहिती पोलिसांना दिली, त्यानंतर तिला प्रथम स्थानिक रुग्णालयात नेले असता नंतर इंदूरच्या रुग्णालयात दाखल करण्यात आले. महिलेची प्रकृती चिंताजनक आहे. बिरलाग्राम पोलीस ठाण्याने पीडित महिलेचा नवरा, सासू आणि महिला नातेवाईकांवर प्राणघातक हल्ला केल्याचा गुन्हा दाखल केला असून त्यांचा शोध सुरू केला आहे.
मंगळवारी 12 जानेवारीला विद्यानगरच्या मुख्य रस्त्याजवळील एका घरातून सकाळी एका महिलेचा आरडा ओरडा ऐकू येत होता. यानंतर घरातील लोकांनी तिला मारत घराबाहेर आणले. रक्ताने माखलेल्या महिलेचा मृत्यू झाल्याचे गृहीत धरून सर्वजण तिला घराबाहेर फेकून पळून गेले. मंडी पोलीस ठाण्याने दिलेल्या माहितीनुसार, महिलेस प्रथम तातडीने जनसेवा रुग्णालयात हलविण्यात आले व तेथून तिला उज्जैन येथे रुग्णालयात पाठविण्यात आले. परिस्थिती गंभीर असल्याने महिलेला इंदूर येथे रुग्णालयात दाखल करण्यात आले. पोलिसांनी तीन वेगवेगळी पथके तयार करून आरोपींचा शोध सुरू केला आहे.
यापूर्वी मारहाणही केली होती
या महिलेचे १५ वर्षांपूर्वी राजेशशी लग्न झाले होते. त्यांना दोन मुले आहेत. एकाचे वय १४ आणि दुसर्याचे वय पाच वर्षे आहे. राजेश हा व्यवसायाने ट्रक चालक आहे आणि बहुतेक वेळा घराबाहेर राहतो. ही घटनाच्या काही दिवसांपूर्वी पीडित महिला आपल्या नातेवाईकासह कुठेतरी गेली होती. सोमवारी ११ जानेवारीला राजेश तिला परत घेऊन आला.
कापलेले शरीराचे अवयव सापडले
पोलिसांचा असा संशय आहे की, राजेश बराच काळपासून आपल्या पत्नीला ठार मारण्याचा कट रचत होता. काही दिवसांपूर्वी राजेश तलवार घेऊन आला. त्याने तलवार वापरुन ही हिंसक घटना घडवून आणली. पोलिसांना घराच्या आत महिलेचे रक्त आणि कापलेले शरीराचे अवयवही सापडले आहेत. मात्र फरार होण्यापूर्वी आरोपींनीही रक्ताचे डाग पुसण्याचा प्रयत्न केला.