धुळे : एका विवाहित महिलेचा गैरफायदा घेत दोन महिलांच्या मदतीने एका तरुणाने तिच्यावर अत्याचार केला. शिवाय त्याचा व्हिडिओ काढून तो व्हायरल करण्याची धमकी देत गेले चार महिने तिच्यावर वेळोवेळी अत्याचार केल्याप्रकरणी दोन महिलांसह संबंधित तरुणावर गुन्हा दाखल केला असून, तरुणाला शनिवारी अटक केली आहे.
पीडित महिलेने चाळीसगाव रोड पोलीस ठाण्यात फिर्याद दाखल केली. तिच्या फिर्यादीवरून अत्याचार करणारा अबरार अहमद मोहम्मद आरीफ अन्सारी तसेच त्याला मदत करणाऱ्या सिमरन अंजुम अन्सारी आणि अफसाना शेख जलील या तिघांविरुद्ध विविध कलमांन्वये गुन्ह्याची नोंद करण्यात आली.
पीडित महिलेच्या मैत्रीचा गैरफायदा घेऊन तिची इच्छा नसताना जबरदस्तीने शारीरिक संबंध प्रस्तापित करण्यात आले. शिवाय त्याचा गुपचूप व्हिडिओ करण्यात आला. एवढेच नाही तर करण्यात आलेले चित्रीकरण त्या पीडित महिलेला दाखवून तिच्यावर दबाव टाकण्यात आला. ज्या वेळेस तुला बोलवेल, त्यावेळेस तुला यावे लागेल अशी धमकी दिली. नकार दिल्यास ही व्हिडिओ क्लिप व्हायरल करेन. कोणाला सांगितल्यास तुझे आई-वडील आणि मुलीला जिवंत सोडणार नाही, अशी धमकी दिली.