उल्हासनगर : महिलेच्या ऍक्टिव्हा गाडीला लागलेल्या धडकेचा जाब रिक्षाचालकाला विचारताच, रिक्षाचालकांनी वाहतूक पोलीस मोहन पाटील यांना मारहाण केल्याची घटना शुक्रवारी दुपारी ३ वाजता घडली. याप्रकरणी पोलिसांनी रिक्षाचालकाला अटक करून मध्यवर्ती पोलीस ठाण्यात गुन्हा दाखल करण्याची प्रक्रिया सुरू आहे.
उल्हासनगर कॅम्प नं-३ येथील छत्रपती शाहू महाराज उड्डाणपूलावर शुक्रवारी दुपारी ३ वाजता खड्डे भरण्याचे काम सुरू असल्याने, वाहतूक कोंडी झाली. यावेळी एका रिक्षाचालकाने एका महिलेचा ऍक्टव्हा गाडीला धडक दिल्याचा जाब वाहतूक पोलीस मोहन पाटील यांनी विचारताच, २ ते ३ रिक्षाचालकांनी वाहतूक पोलिसाला मारहाण केली. मारहाण करणाऱ्या तिघा पैकी एका रिक्षाचालकाला पोलिसांनी ताब्यात घेतले असून इतर २ जण पळून जाण्यात यशस्वी झाले. तसेच मध्यवर्ती पोलीस ठाण्यात गुन्हा दाखल करण्याची प्रक्रिया सुरू आहे.