लंडन: पाकिस्तानचे पंतप्रधान इम्रान खान यांचा मित्र आणि ब्रिटनचे वादग्रस्त मुस्लिम नेता लॉर्ड नझीर अहमद याला दोन मुलांचे लैंगिक शोषण केल्याप्रकरणी दोषी ठरविण्यात आले आहे. नझीरला बुधवारी १९७० च्या दशकात अल्पवयीन मुलाचे लैंगिक शोषण आणि एका अल्पवयीन मुलीवर बलात्काराचा प्रयत्न केल्या प्रकरणी दोषी ठरविण्यात आले आहे. नझीर हा पाकिस्तानात जन्मलेला असून तो नेहमी भारताविरोधात काश्मीरवरून विष ओकण्याचे काम करत असतो. एवढेच नाही तर त्याने एकदा पंतप्रधान नरेंद्र मोदींच्या मृत्यूसाठी प्रार्थना केली होती.
कामगार पक्षाचा माजी नेता राहिलेल्या लॉर्ड नझीरला मुलासोबत अनैसर्गिक मैथुन आणि मुलीवर दोनदा बलात्काराचा प्रयत्न केल्या प्रकरणी दोषी ठरविण्यात आले आहे. नझीरसोबत त्याचे दोन भाऊ मोहम्मद फारुक आणि मोहम्मद तारीक यांच्याविरोधात देखील आरोप खरे ठरले आहेत. नझीरचे दोन्ही भावांचे वय अधिक असल्याने त्यांना केसमध्ये सहभागी करण्यास अनफिट धरण्यात आले. एका महिलेने मोठी झाल्यावर नझीर अहमदने १९७३ आणि १९७४ मध्ये दोनदा बलात्काराचा प्रयत्न केल्याचा आरोप केला होता.
त्यावेळी नजीर 16 किंवा 17 वर्षांचा होता आणि पीडित मुलगी त्याच्यापेक्षा खूपच लहान होती. नझीरला 1972 मध्ये एका लहान मुलावर झालेल्या लैंगिक अत्याचार प्रकरणात दोषी ठरवण्यात आले आहे. नजीर अहमद यांनी हे आरोप दुर्भावनापूर्ण असल्याचे म्हटले होते आणि सर्व आरोप फेटाळून लावले होते. खटल्यादरम्यान, नझीर अहमद बलात्काराचा प्रयत्न आणि अनैसर्गिक लैंगिक संबंधात दोषी आढळला. ब्रिटनचे न्यायालय आता ४ फेब्रुवारीला या प्रकरणी शिक्षा सुनावणार आहे.
लॉर्ड नझीर अहमद हे लेबर पार्टीचे ज्येष्ठ नेते आणि माजी ब्रिटिश पंतप्रधान टोनी ब्लेअर यांच्या जवळचे आहेत. लॉर्ड नझीर अहमद हे ब्रिटीश संसदेचे वरचे सभागृह हाऊस ऑफ लॉर्ड्सचे आजीवन सदस्य म्हणून नियुक्त झालेले पहिले मुस्लिम खासदार आहेत. ब्रिटनच्या हाऊस ऑफ लॉर्ड्समध्ये उच्च शिक्षित आणि ज्ञानी लोकांना सदस्य बनवले जाते. लॉर्ड नझीर अनेकदा भारताविरुद्ध विधाने करत असतात.