ठळक मुद्दे या प्रकरणी पोलिसांनी 9 ऑक्टोबर 2020 रोजी गुन्हा दाखल केला असून यामध्ये आरोपी असलेल्या मुलीचे वडील व प्रियकर यांना रविवारी 11 ऑक्टोबर रोजी अटक केली असल्याची माहिती पोलीसांनी दिली.
वासिंद - शहापूर तालुक्यातील वासिंद येथील एका अल्पवयीन मुलीवर अत्याचार केलेल्या व त्यापासून गर्भवती राहिलेल्या पीडित मुलीचे वडील व प्रियकर यांना अटक करण्यात आली आहे.
ठाणे जिल्ह्यामधील शहापूर तालुक्यातील वासिंद येथील एका अल्पवयीन मुलीवर शिक्षक असलेल्या आपल्या वडिलांनी व परिसरात राहणाऱ्या प्रियकर यांनी लैंगिक अत्याचार केले. यामध्ये ती पिडीत गर्भवती राहिली. यानंतर पीडितेला झालेले मुल मृत पावले. या प्रकरणी पोलिसांनी 9 ऑक्टोबर 2020 रोजी गुन्हा दाखल केला असून यामध्ये आरोपी असलेल्या मुलीचे वडील व प्रियकर यांना रविवारी 11 ऑक्टोबर रोजी अटक केली असल्याची माहिती पोलीसांनी दिली. सदर, पीडित मुलगी सुखरूप असून नातेवाईक यांच्याकडे आहे.