सूरज पवार, मडगाव: आपल्या सख्या लेकीवर बलात्कार करण्याची एक घटना मडगाव पोलिस ठाण्याच्या हद्दीत उघडकीस आली आहे. पाेलिसांनी त्या नराधम वडिलाच्या हातात बेडया ठोकल्या आहेत. पिडीत अल्पवयीन असून, सदया ती सतरा वर्षाची आहे. २०१८ पासून डिसेंबर २०१८ पर्यंत संशयिताने पिडिताचा लैंगिक अत्याचार केला होता, त्यावेळी ती मुलगी अवघ्या बारा वर्षाची होती.
प्रकरण असहय्य झाल्याने नंतर पिडिताच्या आईने बुधवार दि. १२ रोजी मडगाव पोलिस ठाणे गाठले व रितसर तक्रार नोंदविली. त्यानंतर पोलिसांनी संंशयिताच्या मुसक्या आवळल्या.पोलिस निरीक्षक तुळशीदास नाईक यांच्या मार्गदर्शनाखाली उपनिरीक्षक प्रज्ञा जोशी पुढील तपास करीत आहेत. भादंसंच्या ३५४, ३७६ , ५०६ व गोवा बाल कायदा कलम ८ आणि बाल सरंक्षण कायदा कलम ६ अंतर्गंत पोलिसांनी संशयितावर गुन्हा नोंद केला आहे. संशयित मूळ कर्नाटक राज्यातील आहे.
संशयिताने पिडिताला झालेल्या घटनेबाबत तिच्या आईला व अन्य कुणालाही काही सांगितल्यास त्याचे गंभीर परिणाम भोगावे लागेल अशी धमकीही दिली होती.