Gujarat Crime News : गुजरातच्या जामनगरमध्ये ऑनर किलिंगच्या नावावर डबल मर्डरच्या घटनेने खळबळ उडाली आहे. आधी इंटरकास्ट लग्नामुळे नाराज मुलीकडील लोकांनी तरूणीची हत्या केली. त्यानंतर काही वेळाने तरूणाच्या नातेवाईकांनी सूनेच्या आईची हत्या केली. पोलिसांनी दोन्ही पक्षाच्या आरोपींना ताब्यात घेऊन चौकशी सुरू केली.
जामनगरच्या हापा योगेश्वर धाम भागात राहणारा २३ वर्षीय सोमराजने तिथेच राहणाऱ्या रूपखला नावाच्या तरूणीसोबत लव्ह मॅरेज केलं होतं. तरूण चारण समाजाचा होता आणि तरूणी क्षत्रिय समाजाची होती. दोन्हीही परिवार या लग्नाने आनंदी नव्हते. तरूणीच्या परिवारातील लोक इतके नाराज होते की, तरूणाला मारण्यासाठी त्याचा शोध घेत होते.
यादरम्यान तरूणीच्या परिवाराला ही माहिती मिळाली की, सोमराज राजकोट रोडवर अतुल शोरूमजवळ उभा आहे. ते लगेच तिथे पोहोचले. तरूणाने जेव्हा पत्नीच्या परिवारातील लोकांना पाहिलं तर तो शेजारच्या शोरूमध्ये गेला. हातात धारदार शस्त्र घेऊन आलेले लोक शोरूममध्ये घुसले आणि त्यांनी सोमराजची हत्या केली.
यानंतर संतापलेले तरूणाच्या परिवाराताली लोक तरूणीच्या घरी गेले आणि तिथे आरोपींबाबत विचारपूस केली. तरूणीची आई अनीता बाला त्यावेळी घरात होती. अशात सूड घेण्यासाठी तरूणाच्या परिवारातील लोकांनी तिच्या आईची हत्या केली.
जामनगर एसपी प्रेमसुख डेलु यांच्यानुसार, दोन्ही घटनांचा मुख्य आधार प्रेमसंबंध आहे. या लग्नामुळे तरूणीच्या परिवारातील लोक आनंदी नव्हते. दोन्हीकडील आरोपींना ताब्यात घेण्यात आलं आहे आणि पुढील चौकशी सुरू आहे.