शहरं
Join us  
Trending Stories
1
मराठ्यांचे वादळ मुंबईत धडकले, 'एक मराठा लाख मराठा'च्या घोषणांनी वाशी टोल नाका दणाणला
2
Manoj Jarange Patil Morcha Live: मराठ्यांचं भगवं वादळ मुंबईत दाखल; हजारो आंदोलकांसोबत मनोज जरांगे आझाद मैदानाकडे
3
आजचे राशीभविष्य, २९ ऑगस्ट २०२५: आर्थिक लाभ, प्रवास संभवतो, गोड बोलून काम पूर्ण करू शकाल
4
२८०० वाहनांमधून आंदोलक मुंबईत १५ दिवसांचा शिधा घेऊन आलोय; गावनिहाय बांधव मुंबईत, गाडीत राहण्यासह जेवणाची सोय
5
आज लोकसभेच्या निवडणुका झाल्यास कोण बाजी मारणार? भाजपा की काँग्रेस? सर्व्हेतून धक्कादायक आकडेवारी समोर  
6
जरांगेंच्यां आंदोलनाच्या पार्श्वभूमीवर आझाद मैदानावर १५०० हून अधिक पोलिसांची फौज
7
गुरुजींसाठी नवे वेळापत्रक; गुणवत्ता वाढवा; प्रशासकीय जबाबदाऱ्याही घ्या
8
आंदोलकांची नवी मुंबईत सोय आंदोलकांना मुंबई बाजार समितीचा आधार, दोन मार्केटमध्ये सुविधा, महिलांची स्वतंत्र सोय
9
शक्तिपीठ महामार्गाच्या वर्धा-सांगली टप्प्याला अखेर राज्य शासनाची मान्यता
10
भाजपचे डॅमेज कंट्रोल; फडणवीस यांच्या समर्थनार्थ लागले बॅनर
11
'हम दो हमारे तीन', प्रत्येक कुटुंबात तीन मुले असावीत': आरएसएस प्रमुख मोहन भागवत
12
संगमनेरचे आमदार अमोल खाताळ यांच्यावर हल्ला, सुरक्षारक्षकांनी हल्लेखोर तरुणाला घेतले ताब्यात
13
डॉन ‘डॅडी’ला जामीन मंजूर, पण शुक्रवारी सुटकेची शक्यता कमीच
14
ना बनवणार, ना विकणार! 'या' ८ जिल्ह्यांमध्ये फटाक्यांवर बंदी; नियमांचे पालन न केल्यास ५ वर्षांचा तुरुंगवास
15
भाजप आणि RSS मध्ये कुठलाही वाद नाही; संघप्रमुख मोहन भागवतांची स्पष्टोक्ती
16
कोल्हापुरातील शेतकऱ्यांना शक्तिपीठ महामार्गाबाबत दिलासा? राज्य सरकारने दिले आदेश; वाचा सविस्तर
17
नाशिकच्या देवळाली कॅम्पजवळ सैनिकाचे हँग ग्लायडर एका घरावर कोसळले; सरावादरम्यान दुर्घटना
18
नागपूर महामेट्रोच्या वित्त संचालकांना सायबर गुन्हेगारांकडून गंडा, गुगलवर बँकेचा नंबर शोधणे पडले महागात
19
Vidarbha Rain Alert: विदर्भातील 'या' जिल्ह्यांमध्ये पावसाचा जोर वाढणार, IMD ने दिला सतर्कतेचा इशारा
20
अथर्व सुदामेनंतर आता डॅनी पंडितने शेअर केलेल्या रीलची चर्चा, दिला हिंदू-मुस्लीम ऐक्याचा संदेश

चेनस्नॅचिंग करणाऱ्या दिल्लीतील टोळीला नागपुरात अटक, विविध १० गुन्ह्यांची उकल

By ऑनलाइन लोकमत | Updated: July 14, 2025 22:50 IST

या टोळीने नागपुरात चेन स्नॅचिंगचे सहा आणि वाहन चोरीचे चार गुन्हे केले असल्याची बाब उघडकीस आली

योगेश पांडे, लोकमत न्यूज नेटवर्क, नागपूर: दिल्लीहून नागपुरात येऊन चेन स्नॅचिंग करणाऱ्या आंतरराज्यीय टोळीतील तीन सदस्यांना गुन्हे शाखेने अटक केली आहे. गुन्हे शाखेच्या युनिट दोनच्या पथकाने ही कारवाई केली. या टोळीने नागपुरात चेन स्नॅचिंगचे सहा आणि वाहन चोरीचे चार गुन्हे केले असल्याची बाब उघडकीस आली आहे.

अक्षय विष्णुदत्त शर्मा (२९, रा. पूर्व सागरपूर), रोहितकुमार सुरेश कुमार (२७, द्वारका, सेक्टर १) आणि रोहित पशुपतीनाथ गुप्ता (२७, सागरपूर, दिल्ली) अशी आरोपींची नावे आहेत. त्याचा साथीदार रोहन टिके फरार आहे. सर्व आरोपी हे सराईत गुन्हेगार आहेत. रोहन हा वर्ध्याचा रहिवासी आहे. तो दिल्लीत स्थायिक झाला आहे. तो पूर्वी अक्षयसोबत एका खाजगी कंपनीत काम करायचा. अक्षयवर दरोडा आणि चोरीसह २० हून अधिक गुन्हे दाखल आहेत. तो बऱ्याच काळापासून गुन्हेगारीत सक्रिय आहे. रोहनने अक्षय आणि रोहित कुमारला नागपूरमध्ये दागिने घालणाऱ्या भरपूर महिला सापडतील असे सांगितले. यानंतर आरोपींनी नागपुरात गुन्हा करण्याचा कट रचला.

ते दिल्लीहून रेल्वेने नागपूरला यायचे. त्यानंतर ते अगोदर मोटारसायकल चोरायचे व त्यावरून न स्नॅचिंग करायचे. नंतर, ते मोटारसायकल तिथेच सोडून रेल्वेने दिल्लीला परतायचे.धंतोली पोलिस ठाण्यात दाखल झालेल्या चेन स्नॅचिंगच्या गुन्ह्यात सीसीटीव्ही फुटेज तपासत असताना पोलिस रेल्वे स्थानकावर पोहोचले. आरोपी तेलंगणा एक्सप्रेसने गेल्याची बाब समोर आली. पोलिसांनी नागपूर, इटारसी, भोपाळ, झाशी, ग्वाल्हेर, आग्रा आणि दिल्ली येथील स्थानकांचे सीसीटीव्ही फुटेज तपासले. दिल्ली स्टेशनबाहेरील सीसीटीव्हीवरून आरोपी ज्या ऑटो रिक्षातून आले होता त्याच्या माध्यमातून शोध घेण्यात आला. आधारावर अक्षय आणि रोहितला पकडण्यात आले. त्यांनी गुप्ताला चोरीचे दागिने विकल्याबद्दल सांगितले. पोलिसांनी गुप्ता यालाही ताब्यात घेतले. त्याच्याकडून ७५ ग्रॅम सोन्याचे दागिने जप्त करण्यात आले आहेत.

आरोपींनी नागपूरसह अनेक शहरांमध्ये गुन्हे केले आहेत. ही कारवाई डीसीपी राहुल माकणीकर यांच्या मार्गदर्शनाखाली पोलीस निरीक्षक महेश सांगळे आणि त्यांच्या पथकाने केली. आरोपींनी धंतोली, सदर पोलीस ठाण्याच्या हद्दीतून प्रत्येकी दोन, तर बुटीबोरी व अजनी पोलीस ठाण्याच्या हद्दीतून प्रत्येकी एक चेनस्नॅचिंग केली. तर सिताबर्डी व धंतोली पोलीस ठाण्याच्या हद्दीतून प्रत्येकी दोन मोटारसायकल लंपास केल्या होत्या.

टॅग्स :Chain Snatchingसोनसाखळी चोरीPoliceपोलिसArrestअटक