नवी दिल्ली - राजधानी दिल्लीच्या गाझियाबाद जिल्ह्यात भाजपा आमदाराच्या नातवाईकाची सकाळी-सकाळीच गोळ्या झाडून हत्या केल्याची घटना घडली आहे. सिहानी गेट पोलीस ठाणेच्या हद्दीत भाजपा आमदार अजीत पाल त्यागी यांचे मामा नरेश त्यागी (60) यांच्यावर स्कुटीवरुन आलेल्या अज्ञातांनी गोळ्या झाडल्या. नरेश त्यागी हे मॉर्निग वॉकसाठी परिसरात गेले असता, ही हत्या करण्यात आली. आरोपींनी घटनास्थळावरून धूम ठोकली असून परिसरात तणाव निर्माण झाला आहे.
हत्या प्रकरणाची माहिती मिळताच पोलिसांनी घटनास्थळी धाव घेतली असून परिसरात बॅरिकेट्स लावण्यात आले आहेत. याप्रकरणी एसएसपींनी घटनेच्या चौकशीसाठी 4 पथकांची नेमणूक केली आहे. नरेश त्यागी हे सरकारी ठेकदार होते, पीडब्लूडी आणि आरईएस विभागातील कामांची ठेकेदारी ते करत असल्याची माहिती नातेवाईकांनी दिली. आज सकाळी जयदुचे सरचिटणीस केसी त्यागी यांच्या घरासमोरील गार्डनमध्ये मॉर्निक वॉकसाठी ते जात असताना अज्ञातांनी त्यांच्यावर गोळ्या झाडल्या. स्कुटीवरुन आलेल्या गुंडांपासून आपली जीव वाचविण्यासाठी नरेश त्यागी धावत असातना खाली पडले. त्यावेळी, गुडांनी त्यांच्यावर गोळ्या झाडून त्यांची हत्या केली.
नरेश त्यागी हे मूळचे मुरादनगर क्षेत्रातील सारा गावचे रहिवाशी होते. त्यांची दोन्ही मुलेही ठेकेदारीचेच काम करत असून शेखर आणि अश्विन त्यागी अशी त्यांची नावे आहेत. याप्रकरणी माहिती मिळताच, एसएसपी कलानिधी नैथानी आणि इतर पोलीस अधिकाऱ्यांनी घटनास्थळी धाव घेतली असून तपास सुरू केला आहे.