Bihar Crime News : पटणामध्ये एका महिलेकडून तिच्या पतीबाबत खळबळजनक खुलासा करण्यात आला आहे. पीडित महिलेने पती आणि त्याच्या मित्रांवर मारहाण, शिवीगाळ आणि जबरदस्ती शारीरिक संबंध ठेवल्याचा आरोप लावला आहे. ही घटना नेपाली नगरमधील आहे. महिलेने काही लोकांच्या मदतीने पोलिसात पतीविरोधात गुन्हा दाखल केला आहे.
महिलेने आरोप लावला की, ती तिच्या चार मुलींसोबत नेपाली नगरमध्ये राहते. पण तिचा पती विनोद महतो तिच्यासोबत सतत मारहाण करतो आणि आपल्या मित्रांसोबत मिळून शारीरिक शोषण करतो. महिलेने पोलिसांना सांगितलं की, घर आणि मुलांचा सगळा खर्च ती स्वत: करते. त्यानंतरही तिचा पती तिच्यासोबत अमानवीय वागणूक करतो. मारहाण केल्यामुळे तिचा एकदा गर्भपातही झाला आहे.
महिलेने आरोप केला की, आधी पती एकटाच तिचं शोषण करत होता. पण नंतर त्याच्या मित्रांना घरी आणू लागला आणि माझ्यासोबत ते जबरदस्ती करत होते. महिला याचा विरोध करत होती, पण तिला खूप मारहाण केली जात होती.
महिला पोलिसांच्या वागण्यावरूनही खूप नाराज आहे. ती म्हणाली की, तिने बिहार पोलिसांच्या 112 नंबरवर फोन केला होता. पोलीस आलेही होते. घटनास्थळावरून पतीला पकडूनही घेऊन गेले. पण काही वेळाने त्याला सोडून दिलं. पती जेव्हा परत आला तेव्हा एकटा नव्हता. त्याच्यासोबत त्याचे मित्रही होते. पतीने आधी तिला आणि नंतर मुलांना मारहाण केली. त्यानंतर शारीरिक संबंध ठेवण्यासाठी दबाव टाकला.
महिलेच्या जबाबावरून पोलिसांनी गुन्हा दाखल केल आहे आणि घटनेची चौकशी करत आहेत. पटणा पोलिसांनुसार, सध्या या घटनेची चौकशी केली जात आहे आणि साक्षीदार मिळाल्यावर योग्य ती कारवाई केली जाईल. पोलीस अधिकाऱ्यांनाही माहीत आहे की, महिला स्वत: घर चालवते. मुलांना मारहाण केल्याचं स्पष्ट झालं आहे.