बिहारच्या बेगूसरायमधून एक अपहरणाची आणि हत्येची खळबळजनक घटना समोर आली आहे. इथे प्रेम प्रकरणात एक तरूण शेजारच्या विवाहित महिलेला सोबत घेऊन फरार झाला. त्यामुळे महिलेच्या नातेवाईकांनी आरोपीच्या छोट्या भावाचं अपहरण केलं आणि नंतर त्याची हत्या केली. त्याचा मृतदेह त्यांनी नदीत फेकला. पोलीस आरोपींचा शोध घेत आहेत.
१८ जुलैला अपहरण झालेल्या व्यक्तीचा मृतदेह बागमती नदीत पोलिसांना सापडला. गावातील लोकांनी सांगितलं की, मृतकाचा मोठा भाऊ शेजारी राहणाऱ्या विवाहित महिलेला घेऊन पळाला. तेव्हापासून दोन्ही परिवारांमध्ये वाद सुरू होता. गावातील लोक म्हणाले की, घरातून पळून गेलेल्या महिलेचे नातेवाईक तरूणाच्या परिवाराला सतत धकमी देत होते. अनेकदा त्यांना मारहाणही करण्यात आली. (हे पण वाचा : गरोदर महिलेची हत्या करून आग लावली; इतक्यावरच मन भरलं नाही म्हणून मृतदेहाचे तुकडे केले अन्...)
१८ जुलैला महिलेच्या नातेवाईकांनी फरार आरोपी राहुल कुमारच्या लहान भावाचं अपहरण केलं आणि त्याची हत्या करून नदीत फेकून दिला. मृतकाच्या घरचे लोक म्हणाले की, मृतक गौतम हा नातेवाईकांच्या घरी गेला होता. पण तो नातेवाईकांकडे पोहोचला नाही. त्यानंतर त्याचा शोध सुरू केला तर त्याची बाइक आणि चप्पल सोमवारी सापडली. त्यानंतर पोलिसात सूचना देण्यात आली.
पोलिसांनी शोधकार्य सुरू केलं तेव्हा त्याचा मृतदेह जवळच्या नदीत आढळून आला. त्यानंतर तपासातून अनेक गोष्टींचा खुलासा झाला. डीएसपी निशीत प्रिया यांनी सांगितलं की, प्रेम प्रकरणात फरार झाल्यावर आरोपीच्या भावाची हत्या केली गेली. पोलिसांनी १२ लोकांविरोधात गुन्हा दाखल केला आहे. सध्या आरोपींचा शोध घेतला जात आहे.