Chhattisgarh Crime News : छत्तीसगढच्या बिलासपूरमध्ये एका बॅंक कर्मचाऱ्याला पोलिसांनी अटक केली. आरोपीने महिलेचा अश्लील व्हिडीओ बनवला होता. हा व्हिडीओ व्हायरल करण्याची धमकी देऊन पीडितेकडून त्याने २ लाख रूपये घेतले. यानंतर त्याची पैशांची डिमांड वाढली. जेव्हा महिलेने पैसे देण्यास नकार दिला तेव्हा त्याने तिला मारहाण केली आणि महिलेचा व्हिडीओ तिच्या मैत्रिणी व पतीला पाठवला. यानंतर महिलेने पोलिसात तक्रार दाखल केली. ज्यावर कारवाई करत पोलिसांनी आरोपीला अटक केली.
बिलासपूरमध्ये राहणारी ३४ वर्षीय महिला प्रायव्हेट बॅंकेत काम करते. दरम्यान २०२० मध्ये तिची ओळख बॅंक सहकारी राजीव श्रीवास्तवसोबत झाली. महिलेने दोन वर्षाआधी तिच्या वाढदिवस पार्टीला त्याला बोलवलं होतं. इथे त्याने महिलेच्या कोल्डड्रिंकमध्ये नशेचं औषध टाकून तिच्यावर अत्याचार केला आणि तिचा व्हिडीओही रेकॉर्ड केला.
आरोपी राजीव व्हिडीओ व्हायरल करण्याची धमकी देऊन महिलेकडे पैशांची मागणी करत होता. घाबरलेल्या महिलेने त्याला २ लाख रूपये दिलेही. पण आरोपीची डिमांड वाढत गेली. पैसे न दिल्यास तो तिला मारहाण करू लागला होता. महिलेने रविवारी पोलिसात त्याच्या विरोधात तक्रार केली. असं सांगितलं जात आहे की, आरोपी राजवही विवाहित आहे.
सीएसपी मंजुलता बाज यांनी सांगितलं की, महिलेच्या तक्रारीवरून आऱोपीला अटक केली आहे. आरोपीला चौकशीनंतर न्यायालयीन कोठडीत पाठवण्यात आलं. पोलीस चौकशी करत आहेत. महिलेसोबत घडलेली ही घटना साधारण १ वर्षाआधीची आहे. बर्थ डे पार्टीत कोल्डड्रिंकमध्ये नशेचा पदार्थ देऊन त्याने महिलेसोबत रेप केला होता.