Bahraich Violence : उत्तर प्रदेशातील बहराइच जिल्ह्यात 13 ऑक्टोबर 2024 रोजी दुर्गा प्रतिमा विसर्जनाच्या मिरवणुकीदरम्यान उसळलेल्या धार्मिक हिंसाचारात 22 वर्षीय राम गोपाल मिश्रा याची अतिशय निर्घृणपणे हत्या करण्यात आली होती. या हत्याकांडाचा निकाल आज समोर आला असून, बहराइच अपर सत्र न्यायालयाने आरोपी सरफराजला फाशीची शिक्षा ठोठावली आहे, तर इतर 9 दोषींना जन्मठेप सुनावण्यात आली आहे.
13 पैकी तिघांची निर्दोष मुक्तता
9 डिसेंबर रोजी न्यायालयाने 13 आरोपींपैकी 10 जणांना दोषी ठरवले होते. तर, पुराव्याअभावी तीन जणांना निर्दोष मुक्त केले. दोषींमध्ये अब्दुल हमीद, त्याचा मुलगा फहीम, सरफराज, तालिब, सैफ, जावेद, जीशान, ननकऊ, शोएब आणि मारुफ यांचा समावेश आहे. यापैकी सरफराजला मृत्युदंड देण्यात आला आहे. आरोपींवर BNS कलम 103(2) (मॉब लिंचिंगमध्ये हत्या), कलम 191(2), 191(3), 190, 109(2), 249, 61(2) तसेच आर्म्स अॅक्ट कलम 30 लागू करण्यात आली होती.
नेमकी घटना काय?
ही घटना महसी थाना क्षेत्रातील महराजगंज गावात घडली. मिरवणुकीत डीजेवर वाजणाऱ्या गाण्यावरुन वाद सुरू झाला. त्यानंतर दगडफेक आणि गोळीबार झाला. गोळी लागून राम गोपाल मिश्रा याचा मृत्यू झाला. पोलिसांनी 11 जानेवारी 2025 रोजी चार्जशीट दाखल केली आणि 418 फेब्रुवारीला आरोप निश्चित करण्यात आले. 12 साक्षीदारांची साक्ष नोंदवल्यानंतर 21 नोव्हेंबरला निकाल राखीव ठेवण्यात आला होता.
Web Summary : Sarfaraz sentenced to death, nine others to life for Ram Gopal Mishra's murder during a Durga procession in Bahraich. The court convicted ten of thirteen accused, acquitting three due to lack of evidence, in the 2024 incident triggered by a dispute over music.
Web Summary : बहराइच में दुर्गा प्रतिमा विसर्जन जुलूस के दौरान राम गोपाल मिश्रा की हत्या के मामले में सरफराज को फांसी और नौ अन्य को आजीवन कारावास की सजा सुनाई गई. अदालत ने 13 आरोपियों में से 10 को दोषी ठहराया, जबकि तीन को सबूतों के अभाव में बरी कर दिया.