भिवंडी: महिलांसह अल्पवयीन मुलींवर होणाऱ्या अत्याचाराच्या घटनांमध्ये दिवसेंदिवस वाढ होत असतांनाच एका नऊ वर्षाच्या चिमुरडीवर शेजारी राहणाऱ्या नराधमाने अत्याचार केल्याची खळबळजनक घटना धामणकर नाका परिसरात शनिवारी ५ डिसेंबर रोजी घडली आहे . याप्रकरणी पीडित चिमुरडीच्या आईने नारपोली पोलीस ठाण्यात धाव घेत तक्रार दाखल केली असता नारपोली पोलिसांनी नराधम आरोपीच्या मुसक्या आवळल्या आहेत .
इम्रान इब्राहिम शेख असे चिमुरडीवर अत्याचार प्रकरणी अटक करण्यात आलेल्या आरोपीचे नाव आहे . तो पीडित मुलगी राहत असलेल्या ठिकाणी वरच्या मजल्यावर राहत होता . पीडित चिमुरडी हि एक वर्षांची असतांना तिला आकडी आल्याने तिची बौद्धिक क्षमता कमी असल्याची माहिती पीडितेच्या आईने पोलिसांना दिली असून याच बाबीचा नराधम आरोपीने फायदा उचलून पीडित चिमुरडीस घरात कोणी नसतांना आरोपी राहत असलेल्या पहिल्या माळ्यावर बोलावले व तेथे चिमुरडीच्या बाल वयाचा फायदा घेत तिच्यावर अत्याचार केला.
वेदना असाह्य झाल्याने पीडित चिमुरडी घराशेजारीच रडत बसली असता शेजारी राहणाऱ्या महिलेले तिची विचारपूस करून फोनद्वारे इम्रान शेख याने मुलीवर अत्याचार केल्याची खबर चिमुरडीच्या आईस दिली असता आईने घरी धाव घेत मुलीकडे विचारणा केल्या नंतर घडलेला प्रकार समजल्यानंतर मुलीच्या आईवडिलांच्या पायाखालची वाळू सरकली . याप्रकरणी नारपोली पोलीस ठाण्यात नराधम इम्रान शेख याच्याविरोधात पॉक्सो सह बलात्काराचा गुन्हा दाखल करण्यात आला असून नारपोली पोलिसांनी नराधम इम्रान शेख यास अटक करून न्यायालयात हजर केले असता न्यायालयाने ११ डिसेंबर पर्यंत पोलीस कोठडी सुनावली आहे. पुढील तपास सहाय्यक पोलीस निरीक्षक विष्णू आव्हाड करीत आहेत .