नबरंगपूर : ओडिसामध्ये एका महिलेने विवाहबाह्य संबंध असल्याच्या संशयावरून आपल्या पतीचे गुप्तांग कापल्याची धक्कादायक घटना घडली. या घटनेनंतर पतीला रुग्णालयात दाखल करण्यात आले असून त्याची प्रकृती गंभीर असल्याचे सांगण्यात येत आहे.
ओडिसाची राजधानी भुवनेश्वरहून जवळपास 524 किलोमीटर अंतरावर असलेल्या नबरंगपूर जिल्ह्यातील उदयपूर येथे ही घटना घडली. असे सांगण्यात येत आहे की, ज्यावेळी पती रात्री झोपलेला असताना धारदार चाकूने पत्नीने त्याचे गुप्तांग कापले. त्यानंतर पीडित पतीने जोरदार आरडओरडा केल्याने शेजारील लोक घटनास्थळी पोहोचले आणि त्याला जवळच्या रुग्णालयात दाखल केले. सध्या त्याच्यावर उपचार सुरु असून प्रकृती गंभीर आहे.
दरम्यान, या घटनेची माहिती मिळताच येथील पोलीस घटनास्थळी दाखल झाले. त्यानंतर पोलिसांनी पत्नीला ताब्यात घेतले आहे. पीडित पती हा तामीळनाडूमध्ये कामाला होता. तीन महिन्यानंतर तो गावी आला होता.