Wedding Card Viral Video: सामान्यपणे कुणाचंही लग्न जुळलं की, सर्वातआधी लग्नाच्या पत्रिका छापल्या जातात. नातेवाईक, मित्रांना पत्रिका देऊन लग्नासाठी बोलवलं जातं. लग्नाची पत्रिका कोणत्याही लग्नात महत्वाची असते आणि जवळचे लोक पत्रिकेची आतुरतेने वाट बघत असतात. लग्नाची पत्रिका मिळाली नाही तर जवळच्या लोकांसोबत मित्रही लग्नाला येत नाहीत. पण लग्नाच्या पत्रिकेबाबत एक अशी घटना समोर आली आहे जी वाचून तुमचं डोकं चक्रावून जाईल. एका तरूणीने हा कारनामा केला असून तो पाहून पोलिसही हैराण झालेत. एक तरूणी तिच्या लग्नाचं कार्ड घेऊन एअरपोर्टवर पोहोचली. तिला वाटलं की, तिच्याकडे कुणाचं लक्ष जाणार नाही. पण तेव्हाच तिला पकडलं गेलं आणि जे समोर आलं ते पाहून सगळेच हैराण झाले.
लग्न पत्रिका पाहून अधिकाऱ्यांना बसला धक्का
सोशल मीडियावर या घटनेचा व्हिडीओ व्हायरल झाला आहे. हा व्हिडीओ आयपीएस अधिकारी रूपिन शर्मा यांनी त्यांच्या अधिकृत ट्विटर हॅंडलवर शेअर केलाय. हा व्हिडीओ पोस्ट केल्यावर हजारो लोकांनी पाहिला. व्हिडीओ शेअर करत याच्या कॅप्शनला लिहिण्यात आलं की, 'वेडिंग कार्ड सोबत असलेली एक तरूणी एअरपोर्टवर पकडली गेली. कार्डच्या आत ड्रग्स होतं. सावध रहा. एअरपोर्टवर कुणाकडूनही काही घेऊ नका. लग्नाच्या पत्रिकेत अधिकाऱ्यांना ड्रग्स सापडलं आहे. हा व्हिडीओ पाहून लोकांचं डोकं चक्रावून गेलं आहे.
कुणीही विचार केला नसेल की, लग्नाच्या पत्रिकेत कधी कुणी ड्रग्स लपवू शकतं. पण हाय टेक्नॉलॉजीच्या मदतीने तरूणीला पकडण्यात आलं आणि आता पोलीस तिची चौकशी करत आहेत. आयपीएस अधिकाऱ्यांकडून शेअर करण्यात आलेल्या व्हिडीओमध्ये एअरपोर्टची माहिती देण्यात आलेली नाही. हा व्हिडीओ व्हायरल झाल्यानंतर लोक यावर वेगवेगळ्या प्रतिक्रिया देत आहेत.