दीपक दुपारगुडे, सोलापूर: तुला लय मस्ती आली आहे असे म्हणत तरुणाला दोन जणांनी मिळून मारहाण केली. या प्रकरणी दोन्ही गटाने परस्पर विरोधी फिर्याद दिली असून या प्रकरणी पाच जणांवर एमआयडीसी पोलिस ठाण्यात गुन्हा दाखल झाला आहे.
पहिल्या गटातील सिद्राम नागनाथ देसाई ( वय २४, रा. भैय्या वस्ती, कर्णिक नगर) यांच्या फिर्यादीनुसार आरोपी मोहनसिंग गुंगीवाले, वचन गुंगीवाले ( रा. सोलापूर) यांनी फिर्यादीला शिवीगाळ करत लोखंडी सळईने फिर्यादीच्या डोक्यात मारून जखमी केले. याप्रकरणी मोहनसिंग विठ्ठलसिंग गुंगीवाले ( वय ६०, रा. कर्णीक नगर), वचन गुंगीवाले या दोघांवर गुन्हा दाखल झाला आहे. तर दुसऱ्या गटातील मोहनसिंग यांच्या फिर्यादीनुसार हे वॉचमन म्हणून आपली ड्यूटी करत असताना आरोपी सिद्राम देसाई हा तेथे आला व दुसर्या मजल्यावर जायचे आहे असे म्हणाला. यावेळी मोहनसिंग यांनी कोणाकडे जायचे आहे असे विचारल्यानंतर त्यांना शिवीगाळ केली. यावेळी त्याचे सहकारी सुरेश गायकवाड, दिनेश मुतकोड ( रा. भैय्या वस्ती) यांनी ही फिर्यादीला मारहाण केली, अशी फिर्याद दिली आहे.