मुंबई - प्रेमाचा विरह कधी कुणाला सहन होतो किंवा कधी नाही. नुकतेच मुंबईच्या वरळी येथे एक धक्कादायक समोर आली आहे. जिथं मुंबई पोलीस दलातील कॉन्स्टेबलनं गळफास घेत स्वत:चे आयुष्य संपवलं आहे.कॉन्स्टेबलच्या आत्महत्येमागे गर्लफ्रेंडसोबत भांडण हे कारण असल्याचे उघड झाले आहे.
या पोलीस कॉन्स्टेबलचे वय अवघे २७ वर्ष होते. त्याने केवळ आत्महत्या केली नाही तर सुसाईड करण्यापूर्वी गळ्यात फास लटकवलेला फोटो क्लिक केला आणि तो त्याच्या गर्लफ्रेंडच्या मित्राला पाठवला. ज्यामुळे त्याने सुसाईड केली हे गर्लफ्रेंडला कळू शकेल. पोलीस कॉन्स्टेबल युवक आणि त्याच्या गर्लफ्रेंडमध्ये काही कारणास्तव भांडण झाले होते. कॉन्स्टेबल इन्स्टाग्रामवर दुसऱ्या मुलीशी बोलतोय हे गर्लफ्रेंडला कळाले म्हणून ती नाराज होती. रात्री १० च्या सुमारास ही घटना घडली. जेव्हा पोलीस कॉन्स्टेबलने गळफास घेत आत्महत्या केली. हा युवक मुंबई पोलीस दलातील शस्त्रगार विभागात कार्यरत होता.
मिळालेल्या माहितीनुसार, पोलीस कॉन्स्टेबल हा गोरेगावमध्ये राहणाऱ्या एका मुलीवर प्रेम करत होता. एप्रिल महिन्यापासून या दोघांमध्ये प्रेम प्रकरण सुरू होते. मृत कॉन्स्टेबल दुसऱ्या महिलेसोबत इन्स्टाग्रामवर बोलायचा ज्यामुळे गर्लफ्रेंड आणि त्याच्यात वाद झाला. सोमवारी संध्याकाळी ४ च्या सुमारास वरळी सी-फेसजवळ दोघांचे भांडण झाले. त्यानंतर ६ च्या सुमारास कॉन्स्टेबलने गर्लफ्रेंडला दादर स्टेशन सोडले. त्यानंतर साडे सहा वाजता त्याने त्याच्या गर्लफ्रेंडला सोशल मीडियावर ब्लॉक केले आणि रात्री १० च्या सुमारास गळफास घेत स्वत:ला संपवले.
पोलिसांनी या प्रकरणी मृत कॉन्स्टेबलच्या भावाचा जबाब नोंदवला आहे. ज्याने कुणावरही संशय व्यक्त केला नाही. या घटनेत पोलिसांनी ADR रिपोर्ट नोंदवून तपासाला सुरुवात केली आहे. पोलिसांना या घटनेची माहिती मिळताच त्यांनी घटनास्थळ गाठून युवकाचा मृतदेह ताब्यात घेतला. सध्या पोलिसांनी अपघाती मृत्यू नोंद केली आहे.