ठाणे : सहाय्यक पोलीस निरिक्षक असल्याचे सांगून आपल्या साथीदाराचे मदतीने एका रिक्षा चालकाला गणपती रोडवर अडवून त्याच्याजवळील मोबाइल हिसकावला. त्यातील तो संदेश डिलीट कर असे सांगत मोबाइल हाताळून मोबाइलमध्ये असलेल्या एक्सोडुस नावाचे बिट कॉईन अॅपमधून ७ हजार ६६९ युएस डॉलर अर्थात भारतीय चलनात ५ लाख ७२ हजार ९६४ रुपये त्यांच्या स्वत:च्या खात्यावर ट्रान्सफर करुन घेऊन रिक्षा चालकाची फसवणुक केल्याचे प्रकरण कळवा पोलीस ठाण्याच्या हद्दीत उघडकीस आले आहे.
या प्रकरणी फसवणुक करणा:या तोतया पोलीसाला अटक करण्यात आली आहे. अटक करण्यात आलेल्या आरोपीचे नाव रामदास जगताप (४१) रा. न्यु अभिषेक सोसायटी, मनिषा नगर कळवा असे आहे. अटक आरोपी याने रिक्षा चालकाची फसवणुक केल्याची तक्रार कळवा पोलीस ठाण्यात दाखल झाली होती. त्यानुसार या प्रकरणी कळवा पोलीस ठाण्याचे वरीष्ठ पोलीस निरिक्षक मनोहर आव्हाड यांच्या मार्गदर्शनाखाली या भागातील सीसीटीव्ही फुटेज तपासण्यात आले. त्यानुसार हिरव्या रंगाची कार विषयी त्यांना माहिती मिळाली. या कारच्या नंबरची माहिती आरटीओकडून प्राप्त केली.
तसेच मोबाइल नंबरच्या तांत्रिक तपास व इतर माहितीच्या आधारे आरोपी याचा राहण्याचा पत्ता शोधण्यात आला. तो कशेळी भिवंडी याठिकाणी असल्याचे तपासात निष्पन्न झाले. त्यानुसार मोठय़ा शितीफीने त्याला अटक करण्यात आले. त्याच्याकडे अधिक माहिती घेतली असता, तो कळवा येथे राहणार असल्याची माहिती तपसात पुढे आली. अटक आरोपीकडून गुन्ह्यात फसवणुक करण्यात आलेल्या रकमेपैकी १ लाख ४० हजार, बनावट गणवेश, १ लाख ६० हजार रुपये किमंतीची कार असा 3 लाख रुपयांचा मुद्देमाल हस्तगत करण्यात आला आहे.