प्र.सा. पहिलवान यांना श्रद्धांजली

येवला : येथील गुरु देव शिक्षण प्रसारक मंडळ संचलित स्वामी मुक्तानंद विद्यालयात संस्थेचे माजी सचिव तथा माजी प्राचार्य स्व. प्र.सा. पहिलवान यांच्या सहाव्या पुण्यस्मरणानिमित्त स्व. प्र. सा. पहिलवान यांना श्रद्धांजली अर्पण करून अभिवादन करण्यात आले. अध्यक्षस्थानी शरद नागडेकर होते. तसेच यावेळी काव्य विमोचन व विविध स्पर्धेमध्ये सहभागी झालेल्या विद्यार्थ्यांना बक्षीस देऊन गौरविण्यात आले. विद्यालयातील अरु ण काळे, प्राचार्य चंद्रभान दुकळे, डॉ. अमृत पहिलवान, संस्थेचे अध्यक्ष शरद नागडेकर यांनी प्र.सा. पहिलवान यांच्या जीवनकार्याबद्दल मनोगत व्यक्त केले. सूत्रसंचालन प्रसाद कुलकर्णी यांनी केले, तर प्रा. संजय देवकर यांनी आभार मानले. कार्यक्र मासाठी सचिव दीपक गायकवाड, दत्तात्रय एंडाईत, शकुंतला पहिलवान, सुधांशू खानापुरे, संजय नागडेकर, प्रा.डॉ. बी.बी. राहणे, पर्यवेक्षक राजेंद्र चिंचले, अशोक नाकील, शरद निकम, एस.वाय. भड आदिंसह शिक्षक-शिक्षकेतर कर्मचारी व विद्यार्थी उपस्थित होते. (वार्ताहर)