शेलगाव येथे अखंड हरिनाम सप्ताह

श्री श्री १००८ महामंडलेश्वर योगीराज दयानंद महाराजांच्या मार्गदर्शनाखाली या सोहळ्यात विविध धार्मिक कार्यक्रमांचे आयोजन करण्यात आले आहे. यात सकाळी ४ ते ६ काकडा, ९ ते ११ प्रकाश सुदाम जोशी (मध्यप्रदेश) यांच्या रसाळ वाणीतून गुरुचरित्र व नवनाथ पारायण वाचन होईल. सकाळी ११ ते दुपारी ४ कथा प्रवक्ते ह.भ.प पारस महाराज जैन, बनोटी हे भागवत कथा वाचन करतील. सायंकाळी ५ ते ६ हरिपाठ, रात्री ९ ते ११ हरी कीर्तन व नंतर जागर होईल. कीर्तन सोहळ्यात बुधवारी बाल कीर्तनकार अयोध्या सुलताने लोणवाडीकर यांचे कीर्तन होईल. गुरुवारी साईनाथ महाराज आळंदी, शुक्रवारी सागर महाराज काचोळे जवखेडा, शनिवारी समाज प्रबोधनकार संतोष महाराज आढवणे-पाटील कुंभारी, रविवारी ज्ञानेश्वर महाराज शेलूदकर, सोमवारी सारंगधर महाराज जवळा, मंगळवारी सुदाम महाराज पानेगावकर यांचे तर, ३० डिसेंबर रोजी आदिनाथ महाराज दानवे आष्टी यांचे काल्याचे कीर्तन होणार आहे.