वाळूज महानगर : ट्रकने दिलेल्या धडकेत दुचाकीस्वार त्र्यंबक जगन्नाथ शिंदे(४० रा.नांदेडा) हा गंभीर जखमी झाल्याची घटना गुरुवारी दुपारी ३.३० वाजेच्या सुमारास खोजेवाडी फाट्यावर घडली. जखमी दुचाकीस्वारास ट्रामा केअर सेंटरमध्ये दाखल करण्यात आले आहे.
त्र्यंबक शिंदे हा दुचाकीने (एम.एच.२०, ए.ई.६९७७) गुरुवारी दुपारी ३.३० वाजेच्या सुमारास मुंबई- नागपूर महामार्गावरुन जात असताना त्याला ट्रकने जोराची धडक दिली. यात त्र्यंबक शिंदे हा गंभीर जखमी झाला. या अपघाताची एमआयडीसी वाळूज पोलिस ठाण्यात नोंद घेण्यात आली आहे.