फुलंब्री : राजूर रस्त्यावर आडगाव खुर्द शिवारात असलेल्या दत्तनगर वस्तीनजीक मंगळवारी दुपारी दोन दुचाकींची समोरासमोर धडक झाली. यात एक जण ठार तर दोघे जखमी झाले.तालुक्यातील जळगाव मेटे येथील दगडूबा रंभाजी मेटे व त्यांच्या पत्नी भागूबाई दगडूबा मेटे हे आपल्या दुचाकीवर (एम. एच.२० -ए. झेड. १३३) पीरबावडा येथील यात्रेनिमित्त आडगाव खुर्द शिवारातील दत्तनगर वस्तीवर जात असताना समोरून येणाऱ्या दुचाकीसोबत (एमएच २०-इएम -७८५५)जोराची धडक झाली. या अपघातात दगडोबा रंभाजी मेटे यांच्या डोक्याला गंभीर मार लागला, तर त्यांची पत्नी भागूबाई दगडोबा मेटे या जखमी झाल्या. त्या दोघांना फुलंब्री ग्रामीण रुग्णालयात दाखल केले असता दगडूबा मेटे यांचा उपचारादरम्यान मृत्यू झाला. समोरील दुचाकीस्वार सलमान शबीर शहा हे जखमी असून त्यांच्यावर औरंगाबाद येथील रुग्णालयात उपचार सुरु आहेत. पुढील तपास जमादार जनार्दन राठोड हे करीत आहेत.
दोन दुचाकींची धडक एक ठार, दोन जखमी
By लोकमत न्यूज नेटवर्क | Updated: March 27, 2019 00:36 IST