छत्रपती संभाजीनगर : महाराष्ट्र राज्य माध्यमिक आणि उच्च माध्यमिक शिक्षण मंडळाने मार्चमध्ये घेतलेल्या इयत्ता दहावीच्या परीक्षेचा निकाल मंडळाच्या कार्यपद्धतीनुसार उद्या दि. २ जून रोजी दुपारी १:०० वाजता ऑनलाईन जाहीर होणार आहे.
बारावीचा निकाल जाहीर झाल्यानंतर औरंगाबाद विभागातील लाखो विद्यार्थी व पालकांचे लक्ष दहावीच्या निकालाकडे लागलेले होते. मार्चमध्ये झालेल्या या परीक्षेसाठी विभागातील औरंगाबाद, जालना, बीड, हिंगोली आणि परभणी जिल्ह्यातील एकूण १ लाख ८० हजार २१० विद्यार्थी प्रवीष्ठ झाले होते. ही क्षपरीक्षा २ ते २५ मार्च या कालावधीत झाली.