छत्रपती संभाजीनगर : पोलिस आयुक्त कार्यालयातील मंत्रालयीन कर्मचाऱ्यांनी जुनी पेन्शन योजना लागू करण्याच्या मागणीसाठी आयुक्तालयाच्या प्रवेशद्वारासमोर मंगळवारी सकाळी जोरदार निदर्शने केली. या निदर्शनांमध्ये १०० टक्के कर्मचारी सहभागी झाल्याचे पाहायला मिळाले.
या वेळी कर्मचाऱ्यांनी जुनी पेन्शन पुन्हा सुरू करण्यासाठी जोरदार निदर्शने करीत लक्ष वेधून घेतले. कर्मचाऱ्यांच्या बेमुदत संपामुळे पोलिस आयुक्तालयातील दैनंदिन कामकाजावर मोठा परिणाम झाल्याचेही पाहायला मिळाले. निदर्शने केल्यानंतर कर्मचारी घरी निघुन गेले. त्यामुळे मंत्रालयीन कक्षात सर्वत्र शुकशुकाट असल्याचे दिसून आले.