लग्नसोहळ्यातील मारहाण प्रकरण: सहा आरोपींविरुद्ध अ‍ॅट्रॉसिटी

औंढा नागनाथ : तालुक्यातील गोजेगाव येथे लग्नसोहळ्यामध्ये मुलीची छेड काढून वºहाडी मंडळींनाच बेदम मारहाण केल्याप्रकरणी पोलिसांनी सहा आरोपींविरुद्ध अ‍ॅट्रॉसिटीचा गुन्हा दाखल करून त्यांना अटक केली आहे. ही घटना रविवारी दुपारी अडीचच्या सुमारास घडली होती. गोजेगाव येथील खिल्लारे कुटुंबातील युवतीचा विवाह रविवारी रमाकांत नरवाडे (रा. कल्याण) याच्याशी झाला. विवाह समारंभानंतर जेवणाच्या पंगती सुरू असताना नवरदेवाकडील युवतीची छेड काढल्याच्या कारणावरून वºहाडी व ग्रामस्थांमध्ये वाद झाला. त्याचे पर्यावसन हाणामारीत झाल्याने मोठा गोंधळ उडाला होता. यात जीप व आॅटोरिक्षाची तोडफोड करून जवळपास ५० वºहाडींना काठ्या, कुºहाडी व लोखंडी गजाने मारहाण करून जबर जखमी करण्यात आले. याप्रकरणी प्रियंका चंद्रकांत नरवाडे हिच्या फिर्यादीवरून आरोपी सुभाष जायभाय, राजू जायभाय, विनोद गुठ्ठे, जगन नागरे, ज्ञानेश्वर नागरे, सीताराम नागरे यांच्यासह इतर दहा जणांविरुद्ध अ‍ॅट्रॉसिटीसह कलम ३२६, ३२४, १४३,१४७, १४८, १४९,५०४, ५०६, ४२७ भादंवि व कलम १३५ मुंपोका प्रमाणे औंढा पोलिस ठाण्यात गुन्हा दाखल करण्यात आला आहे. सहा आरोपींना अटक करून औंढा येथील न्यायालयासमोर हजर करण्यात आले. न्यायालयाने त्यांना २९ मे पर्यंत पोलिस कोठडी सुनावली असल्याची माहिती पोलिस अधीक्षक सुधीर दाभाडे यांनी दिली. दरम्यान, सोमवारी दुपारी दाभाडे यांनी गोजेगाव येथे भेट देऊन घटनेची माहिती घेतली. या गुन्ह्याचा अधिक तपास ग्रामीणचे उपविभागीय पोलिस अधिकारी निलेश मोरे करीत आहेत. (वार्ताहर)