- श्रीकांत पोफळेकरमाड : नुकत्याच सरपंच व उपसरपंच पदासाठी झालेल्या निवड प्रक्रियेत औरंगाबाद तालुक्यातील आरक्षित जागांमुळे सरपंचपदी बहुतेक ठिकाणी अपेक्षित व्यक्तींचीच निवड करण्यात आली. दरम्यान, तालुक्यातील बहुतांश भागात मात्र उपसरपंच पदासाठी मोठी रस्सीखेच बघायला मिळाली. औरंगाबाद तालुक्यातील बहुतांशी ग्रामपंचायतीवर काँग्रेस पक्ष्याची एकहाती सत्ता आल्याने त्यासर्वच ग्रामपंचायतवर काँग्रेस पक्षाच्या अपेक्षितांची वर्णी लागली.
तालुक्यातील शेंद्रा पंचतारांकीत औद्योगिक वसाहत व डीएमआयसीमुळे कुंभेफळ , करमाड, पिसादेवी, शेंद्रा कमंगर व शेंद्राबन या आर्थिक सुबत्ता पात्र असलेल्या ग्रामपंचायतीच्या सरपंचपदाकडे संपूर्ण जिल्ह्याचे लक्ष लागुन होते. सोबतच या औद्योगिक वसाहतीला लागुन असलेल्या व तालुक्यातील मोठ्या लोकसंख्येची गावे असलेल्या पिंप्रीराजा, शेकटा, भांबर्डा, वरूड, वडखा, वरझडी, भालगाव आदी गावांचा कारभारही कुणाकडे जातो हा चर्चेचा विषय होता. दरम्यान, या सर्व गावांत अपेक्षे प्रमाणेच सरपंचाची निवड झाली. औरंगाबाद तालुक्यातील बहुतांशी ग्रामपंचायतीवर काँग्रेस पक्ष्याची एकहाती सत्ता आल्याने त्यासर्वच ग्रामपंचायतवर काँग्रेस पक्षाच्या अपेक्षितांची वर्णी लागली. काही ठिकाणी मात्र अपेक्षित असलेल्या उपसरपंचाच्या जागेवर दुसर्‍यानेच बाजी मारल्याचे दिसून आले.
सर्व गावांमध्ये अपवादात्मक एखाद- दुसर्‍या ठिकाणी किरकोळ वादावादी वगळता शांततेत मतदान पार पडले. यात बहुतांश ठिकाणी हात वर करूनच मतदान प्रक्रिया पार पडली. अपवादात्मक ठिकाणी गुप्त मतदान प्रक्रियेद्वारे मतदान घ्यावे लागले. चिकलठाणा व करमाड पोलीस ठाण्यातील पोलीस निरीक्षकांनी पोलीस अधीक्षक मोक्षदा पाटील यांच्या मार्गदर्शनात आपल्या सहकार्‍यांच्या मदतीने चोख बंदोबस्त ठेवला होता. निवड प्रक्रियेनंतर समर्थकांनी गुलालाची उधळण करीत नवनिर्वाचित सरपंच व उपसरपंचांचे स्वागत करतांनाचे चित्र दिसून आले. यात नवनियुक्त सदस्य, पॅनल प्रमुख व गावातील प्रमुख व्यक्तींचेही स्वागत होतांना दिसून आले.
◆ तालुक्यातील प्रमुख गावांतील सरपंच व उपसरपंच :◆ करमाड - सरपंचपदी कैलास उकिर्डे, उपसरपंचपदी रमेश कुलकर्णी यांची निवड--------------------------------------------------◆ पिसादेवी - सरपंचपदी राजेश रघुनाथ काळे, उपसरपंच सत्तार सरदार शेख यांची निवड--------------------------------------------------◆ झाल्टा - सरपंचपदी वर्षा बद्री शिंदे तर उपसरपंचपदी राधिका मुकुंद शिंदे यांची निवड..--------------------------------------------------◆ वरझडी - सरपंचपदी दिलीप जिजाराव पठाडे, उपसरपंचपदी कविता हरिभाऊ पठाडे यांची निवड--------------------------------------------------◆ वरुडकाजी - सरपंच डॉ. दिलावर मिर्झा बेग, संजय हरिचंद्र फोके यांची निवड--------------------------------------------------◆ शेवगा - सरपंचपदी ढवळाबाई तुळशीराम चव्हाण, उपसरपंचपदी श्रीमंत आनंदराव उकिर्डे यांची निवड--------------------------------------------------◆ पिंप्रीराजा - सरपंचपदी वैशाली उदयराज पवार, उपसरपंचपदी सय्यद मोसिन यांची निवड--------------------------------------------------◆ कुंभेफळ - सरपंचपदी कांताबाई सुधीर मुळे, उपसरपंचपदी मनीषा ज्ञानेश्वर शेळके यांची निवड--------------------------------------------------◆ शेकटा - सरपंचपदी अक्षया बाबासाहेब वाघ, उपसरपंचपदी सुनिता सुभाषराल वाघ यांची निवड--------------------------------------------------◆ शेंद्रा कमंगर - सरपंचपदी पुष्पा नामदेव कचकुरे, उपसरपंचपदी सर्जेराव कचकुरे यांची निवड--------------------------------------------------◆ गाढे जळगाव - सरपंच पदी बद्रुनीसा अब्दुल रहीम पठाण व उप सरपंच अर्जुन गाढेकर यांची निवड--------------------------------------------------◆टोणगाव - सरपंच शिवाजी एकनाथ पाडसवान, उपसरपंच गणेश दामोधर चौधरी यांची निवड--------------------------------------------------◆ शेंद्राबन, गंगापूर-जहांगीर - सरपंचपदी विमल साळुबा भावले , उपसरपंचपदी विजय पांडुरंग गायके यांची निवड--------------------------------------------------◆ कोळघर - सरपंचपदी जोती डीघुळकर , उपसरपंचपदी शेख हलीमा यांची निवड.--------------------------------------------------◆ वाडखा - सरपंचपदी बबिता नंदकुमार काकडे, उपसरपंचपदी तूळसाबाई नागोराव काकडे यांची निवड--------------------------------------------------◆ गारखेडा नंबर 1 - सरपंचपदी रमेश बनसोडे, उपसरपंचपदी शिवकला चौधरी यांची निवड--------------------------------------------------◆ आडगाव बु - सरपंचपदी गोरख निकम, उपसरपंचपदी ज्ञानेश्वर लोखंडे यांची निवड--------------------------------------------------◆ चितेगाव - सरपंचपदी शोभा पवार उपसरपंचपदी मनोहर झिंजुर्डे यांची निवड--------------------------------------------------◆ चितेपिंपळगाव - सरपंचपदी वंदना सोनवणे, उपसरपंचपदी नंदकिशोर बागडे यांची निवड--------------------------------------------------◆ भालगाव - सरपंचपदी छाया कोल्हे, उपसरपंचपदी भाऊसाहेब देवकर यांची निवड--------------------------------------------------◆ आप्पतगाव - सरपंचपदी बबाबाई मोरे , उपसरपंचपदी धनंजय भोसले यांची निवड--------------------------------------------------◆कचनेर - सरपंचपदी कमलाबाई फतपुरे, उपसरपंचपदी मुकेश चव्हाण यांची निवड