३ री, ४ थीच्या अभ्यासक्रमात बदल

नवीन अभ्यासक्रम : घोकमपट्टीऐवजी अनुभवातून शिक्षणावर जोर

कळमनुरी : यंदाच्या शैक्षणिक वर्षापासून ३ री व ४ थीच्या अभ्यासक्रमात बदल करण्यात आलेला आहे. त्यात घोकपट्टीऐवजी विद्यार्थ्यांना अनुभवातून शिक्षण मिळावे, यावर भर देण्यात आला आहे. जीवनातील आव्हाने विचारात घेवून यंदाचा अभ्यासक्रम तयार करण्यात आलेला आहे. शिक्षकांनी विद्यार्थ्यांना आवश्यक त्या सुविधा, वातावरण व संधी उपलब्ध करून देण्याचा त्यात प्रयत्न केलेला आहे. तसेच ज्ञान संरचनावादी विचारसरणी रूजविणे, विद्यार्थ्यांचे पूर्वज्ञान, बोलीभाषा त्यांचे अनुभव या बाबींना अभ्यासक्रमात स्थान देण्यात आले आहे. भाषाविषयक नवा दृष्टीकोण, भाषिक समता क्षेत्रे, अध्ययन क्षेत्रे, घर आणि परिसरातील संधी, वर्गशाळा, व शाळाबाहेरील समाज या शिक्षण विषयक मार्गदर्शन तत्वांचा समावेश या अभ्यासक्रमात करण्यात आलेला आहे. नवीन अभ्यासक्रम बदलाबाबत कळमनुरी तालुक्यातील ३ रीला शिकविणाऱ्या शिक्षकांना ९ ते १३ जून दरम्यान प्रशिक्षण देण्यात आहे. त्यात १२ साधनव्यक्ती शिक्षकांना प्रशिक्षण देत आहेत. या प्रशिक्षणाचे उद्घाटन विस्तार अधिकारी बी.एस. सोनुने यांच्या हस्ते करण्यात आले. यावेळी गटसमन्वयक बालाजी गोरे, केंद्र प्रमुख बोबडे, डवरे, पत्रे, आमले, शेख, कोल्हे, दराडे, मगर, अंभोरे, इंगले, रापतवार, मनवर, नाईक आदी उपस्थित होते. (वार्ताहर)असा करण्यात आला अभ्यासक्रमात बदलवर्ग ३ री व ४ थीसाठी परिसर अभ्यास हा भाग दोन टप्प्यांत विभागला आहे. पहिल्या टप्प्यात विज्ञान, भूगोल आणि नागरिकशास्त्र या विषयांचा समावेश आहे. दुसऱ्या टप्प्यात इतिहास विषयाचा समावेश करण्यात आलेला आहे. यापूर्वी या वर्गास ९ विषय होते. आता ७ विषय अभ्यासक्रमात ठेवण्यात आलेले आहेत. दोन विषयांचा सारांश कमी करण्यात आलेला आहे. आता विद्यार्थ्यांची विचार प्रक्रिया ही त्यांच्याच अनुभवविश्वचा आधारे अखंड ठेवून अध्ययन करण्यात येणार आहे. विद्यार्थ्यांना दिले जाणारे अनुभव हे पाठ्या पुस्तकारपुरते मर्यादित न राहता आवश्यक ते अनुभव शिक्षकांनी देण्याची योजना आहे. त्यानुसारच आभ्यासक्रम तयार करण्यात आलेला आहे.- डी. व्ही. तोंडे, राज्यस्तरीय साधनव्यक्ती, कळमनुरी.