फुलंब्री : फुलंब्री विधानसभा मतदारसंघात भाजपाच्या उमेदवार अनुराधा चव्हाण यांनी काँग्रेसचे उमेदवार विलास औताडे यांचा ३२ हजार मतांनी पराभव करून मतदारसंघाच्या पहिल्या महिला आमदार होण्याचा मान मिळविला. तसेच भाजपाने या माध्यमातून विजयाची हॅटट्रिक केली.
फुलंब्री मतदारसंघात मागील २० वर्षांपासून काँग्रेस-भाजपाच्या उमेदवारात सरळ लढत होत होती. यात हरिभाऊ बागडे व डॉ. कल्याण काळे हेच समोरासमोर उभे होते. पण, यंदाच्या निवडणुकीत हे दोन्ही नेते निवडणूक रिंगणाबाहेर असल्याने भाजपाच्या वतीने अनुराधा चव्हाण यांनी तर, काँग्रेसच्या वतीने विलास औताडे यांनी निवडणूक लढविली. निवडणूक प्रचारादरम्यान शिंदे सेनेचे बंडखोर रमेश पवार यांच्या नावाची चर्चा अधिक झाली. परंतु निकालात पवार यांना मतदारांनी फारसा थारा दिला नाही. त्यामुळे काँग्रेस व भाजपातच सरळ लढत झाली. निवडणूक प्रचारात भाजपाने विकासाचे मुद्दे उपस्थित केले. यात राजस्थानचे राज्यपाल हरिभाऊ बागडे यांच्या कार्यकाळातील कामे आणि अनुराधा चव्हाण यांनी जि.प. सभापती असताना व बाजार समितीच्या सभापती असताना केलेल्या कामांचा लेखाजोखा मांडला. दुसरीकडे काँग्रेसचे विलास औताडे यांनी विकास कामांऐवजी भाजपावर भ्रष्टाचाराचे आरोप केले. ही बाब मतदारांना पटली नाही. त्यामुळे मतदारांनी भाजपाला साथ दिली. तसेच लाडक्या बहिणींनी भरभरून आशीर्वाद दिले.
फुलंब्री उमेदवारनिहाय मतदानउमेदवाराचे नाव पक्ष मिळालेली मतेअनुराधा अतुल चव्हाण- भाजपा- १,३४,०६५विलास केशवराव औताडे- काँग्रेस- १,०२,५७२रमेश देविदास पवार-अपक्ष-१३,०१०वंचित बहुजन आघाडी- महेश निनाळे-६,१७०अमोल रमेश पवार- बहुजन समाज पार्टी- १,५३१बलासाहेब तातेराव पाथ्रीकर- मनसे-८४३डॉ. कैलाशचंद्र जनार्दन बनसोडे- विदुलथाई चीरुथगल काटची-२५६चंद्रकांत दामोदर रुपेकर-रिपब्लिकन सेना-७४०दिनकर भीमराव खरात- आझाद समाज पार्टी-६३६रमेश एकनाथ काटकर- राष्ट्रीय समाज पार्टी- १,११५रमेश उत्तम वानखडे-ओळ इंडिया फोरवर्ड ब्लॉक-१०७सुनील दिलीप साळवे-पीपल्स पार्टी ऑफ इंडिया-१८२अनिसखां हबीबखां पठाण- अपक्ष-२१४अब्दुल हनीफ नाईकवाडी- अपक्ष-६७५ॲड. अंजली साबळे- अपक्ष-३९२मारोती दशरथ कांबळे- अपक्ष- ३००जगन्नाथ गावनाजी काळे- अपक्ष- ९३५तौफिक रफिक अहेमद- अपक्ष- ९६८नयुम शेख- अपक्ष- ३७५मंगेश साबळे- अपक्ष- १३७७राहुल नारायण भोसले- अपक्ष- २२३लक्ष्मण एकनाथ गिरी- अपक्ष- १६९लक्ष्मण सोनाजी कांबळे- अपक्ष- १४९विशाल कडूबा पाखरे- अपक्ष- १४३सय्यद हरून गफूर- अपक्ष- ३००सलीम शहा भिकन शहा- अपक्ष- १८५संजय बाबुराव चव्हाण- अपक्ष- १७८नोटा: ९२८एकूण मते २,६९,७८५यात टपाली मतदानाचा समावेश आहे.