औरंगाबाद: सोशल मीडियावर अनेकदा 'देसी जुगाड'चे व्हिडिओ व्हायरल होत असतात. देसी जुगाड म्हणजे, टाकाऊ किंवा भंगार वस्तुंपासून एखादी चांगली-उपयोगी वस्तू बनवने. अशीच एक आगळी-वेगळी वस्तू औरंगाबादच्या रॅचोने तयार केली आहे. ITIचे शिक्षण घेतलेल्या तरुणाने घरीच चक्क हेलिकॉप्टर तयार केले आहे. विशेष म्हणजे, यासाठी त्याने मारुती कारचे इंजिन आणि गिअर बॉक्स, स्कूटीचा पेट्रोल टँक आणि हेलिकॉप्टरच्या टेल रोटरसाठी स्प्लेंडरची चैन वापरली आहे. पण, दुर्दैवाने त्याची टेस्ट राईड फसली...
लॉकडाउनमुळे नोकरी गेली, पण कल्पन सुचलीघरातच चक्क हेलिकॉप्टर तयार करणाऱ्या रँचोचे नाव सतीश मुंडे आहे. घरची आर्थिक परिस्थिती ठीक नसल्यामुळे, वयाच्या अवघ्या 21व्या वर्षी तो घर चालवण्यासाठी कंपनीत कामाला लागला. पण, दुर्दैवाने लॉकडाउनमध्ये त्याची नोकरी गेली. लॉकडउन काळात काय करावे, हा प्रश्न सतत त्याच्या मनात यायचा. या काळात युट्यूबवर व्हिडिओ पाहून त्याने चक्क हेलिकॉप्टर बनवण्याचे ठरवले. यासाठी त्याने आपली तीन वर्षांची जमापुंजी पणाला लावली.
हवेत उडणाऱ्या गोष्टींची आवडऔरंगाबाद येथील राँचो सतीश मुंडेला हवेत उडणाऱ्या गोष्टींची लहानपणापासूनच आवड आहे. बारावीचे शिक्षण झाल्यावर सतीशने हेलिकॉप्टर तयार करायचे ठरवले होते. अखेर त्याने लॉकडाउन काळात स्क्रॅपमधील वस्तूंपासून रांजणगाव येथे हेलिकॉप्टर तयारही आहे. यासाठी त्याला 2 ते अडीच लाख रुपयांचा खर्च आला आहे. पण, आता पैसे संपल्यामुळे हेलिकॉप्टरच्या कव्हरिंगचे काम अर्धवट राहिले आहे. सतीश मूळ बीड जिल्ह्यातील परळीचा रहिवासी असून, तो सध्या औरंगाबादच्या रांजणगाव शेणपुंजी येथे कुटुंबीयांसमवेत राहतो. सतीशला हेलिकॉप्टरच्या उर्वरित कामासाठी अजून 1 ते दीड लाख रुपये लागणार असून, एखाद्या वर्षात याचे काम पूर्ण होईल, असा विश्वास त्याला आहे.