छत्रपती संभाजीनगर : छत्रपती शाहू महाराज संशोधन, प्रशिक्षण व मानव विकास संस्थेचे (सारथी) विभागीय कार्यालय शहरात उभारण्यासाठी उपमुख्यमंत्री अजित पवार यांनी पुढाकार घेतला होता. सारथीच्या केवळ कार्यालयाची निर्मिती न करता त्याच ठिकाणी विद्यार्थ्यांसाठी वसतिगृह उभारण्याचा निर्णयही त्यांनीच घेतला होता. त्यातून गारखेडा परिसरात ‘सारथी’ संस्थेच्या विभागीय कार्यालय आणि वसतिगृहाच्या टोलेजंग इमारती उभारण्यात येत आहेत. त्याची पाहणी मागील वर्षी ४ मे राेजी पवार यांनी केली होती.
‘सारथी’ संस्थेच्या विभागीय कार्यालयाची निर्मिती करत असताना त्याठिकाणी सर्व प्रकारच्या सुविधा उपलब्ध असल्याकडे अजित पवार यांचे बारकाईने लक्ष होते. त्यासाठी शहरात आल्यानंतर अनेकवेळा त्यांनी बांधकामाला भेट देत पाहणी केली. त्यात त्रुटी आढळल्यानंतर संबंधित बांधकाम ठेकेदाराला दर्जेदार काम करण्याच्या सूचनाही अजित पवार करताना दिसून आले. त्याशिवाय वेळोवेळी निधी उपलब्ध करून देण्यावर त्यांचा भर होता. तसेच अधिकचा निधी लागत असल्यामुळे त्यांनी तो मंजूरही करून दिला होता. त्यावरून टीका झाल्यानंतरही त्यांनी यापुढेही निधी कमी पडू देणार नसल्याचे स्पष्टीकरण अजित पवार यांनी दिले हाेते.
काम अंतिम टप्प्यातसारथी संस्थेच्या विभागीय कार्यालयाचे काम अंतिम टप्प्यात आहे. अजित पवार यांच्या प्रयत्नामुळे अतिशय देखण्या बहुमजली दोन इमारती गारखेडा परिसरात उभारण्यात येत आहेत. या इमारतींचे काम अंतिम टप्प्यात पोहोचले आहे.
Web Summary : Ajit Pawar spearheaded 'Sarathi' office and hostel construction in Chhatrapati Sambhajinagar. He regularly inspected the work, ensuring quality and timely fund allocation, even amidst criticism. The project is nearing completion.
Web Summary : अजित पवार ने छत्रपति संभाजीनगर में 'सारथी' कार्यालय और छात्रावास निर्माण का नेतृत्व किया। उन्होंने गुणवत्ता और समय पर धन आवंटन सुनिश्चित करते हुए नियमित रूप से काम का निरीक्षण किया, आलोचना के बीच भी। परियोजना अंतिम चरण में है।