शहरं
Join us  
Trending Stories
1
"प्रत्येक भारतीय संतापलाय..."; पंतप्रधान मोदी यांचा CJI गवईंना फोन, हल्ल्याचा केला निषेध
2
अभिनेता विजय देवरकोंडा याच्या कारला अपघात, दुसऱ्या कारने मागून दिली धडक
3
NDA, MGB अन् JSP मध्ये थेट सामना, बाकीचे रेसमध्येही नाहीत! बिहार निवडणुकीच्या घोषणेनंतर, काय म्हणाले प्रशांत किशोर?
4
सरन्यायाधीशांवर बूट फेकणाऱ्या वकिलाचं पुढे काय होणार? गवईंनी घेतला मोठा निर्णय 
5
बाकी सगळं मान्य, पण शस्त्र टाकणार नाही..; हमास कुणाचंच ऐकेना, इजिप्तमध्ये बैठकीत काय होणार?
6
भारताविरूद्ध 'अतिआगाऊपणा' पाकिस्तानच्या महिला फलंदाजाला पडला महागात, ICCने सुनावली शिक्षा
7
सरकारचा मोठा निर्णय! राज्यातील सार्वजनिक विद्यापीठात अध्यापकांच्या भरती प्रक्रियेस मान्यता
8
बिहार निवडणुकीपूर्वीच समोर आला धक्कादायक सर्व्हे! महाआघाडीला मोठा झटका, NDA ला किती जागा मिळणार? जाणून थक्क व्हाल!
9
वनडेत ५६४ धावा! प्रतिस्पर्धी संघाला ८७ धावांवर All Out करत या संघानं ४७७ धावांनी जिंकली मॅच
10
Bihar Election 2025 Date: बिहारमध्ये निवडणुकीचा बिगुल! विधानसभेच्या २४३ जागांसाठी दोन टप्प्यांत मतदान; बालदिनी निकाल
11
ब्रेस्ट सर्जरी केली, ९ महिने खेळापासून दूर राहिली...; आता पाहा कशी दिसते 'ही' टेनिसस्टार!
12
बिहारामधील मागच्या ४ निवडणुकांत दिसलाय असा कल, नितीश कुमार ज्या बाजूला तोच विजेता 
13
“भाजपाने तारखा दिल्या, ज्ञानेश कुमारांनी वाचून दाखवल्या”; बिहार निवडणुकीवरून विरोधकांची टीका
14
बिहारसह ‘या’ ७ ठिकाणी होणार पोटनिवडणुका, निवडणूक आयोगाकडून मतदान, निकालाची तारीख जाहीर
15
VIDEO: पिल्लासाठी काहीपण... 'बेबी जिराफ'ची आई सिंहिणीला भिडली, जवळ येताच लाथ मारली अन्...
16
महिला वनडे वर्ल्ड कपच्या इतिहासात दुसऱ्यांदा असं घडलं; न्यूझीलंडसह सुझीच्या नावे लाजिरवाणा विक्रम
17
आता एका क्लिकवर मिळेल उमेदवारांची संपत्ती आणि गुन्हेगारी रेकॉर्ड; 'हे' ४ ॲप्स लॉन्च!
18
या वर्षीच्या वैद्यकशास्त्रातील नोबेल पुरस्काराची घोषणा, अमेरिकेच्या 2 तर जपानच्या एका संशोधकाचा संयुक्त सन्मान
19
सरन्यायाधीश गवईंवर बूट फेकण्याचा प्रयत्न करणारा वकील कोण? कशामुळे हे घडलं?
20
मोठी बातमी! राज्यातील २४७ नगरपालिका, १४७ नगरपंचायतींसाठी आरक्षण जाहीर; कोण मिळवणार सत्तेची खुर्ची?

गतवर्षीच्या तुलनेत यंदा निकालात भरारी

By admin | Updated: May 29, 2015 01:43 IST

चंद्रपूर जिल्ह्यातील शाळांना यावर्षी बारावीच्या निकालात चांगलीच भरारी घेतली आहे. गतवर्षीच्या तुलनेत यावर्षी प्रत्येक तालुक्याच्या निकालाच्या टक्केवारीत वाढ झाली आहे.

चंद्रपूर : चंद्रपूर जिल्ह्यातील शाळांना यावर्षी बारावीच्या निकालात चांगलीच भरारी घेतली आहे. गतवर्षीच्या तुलनेत यावर्षी प्रत्येक तालुक्याच्या निकालाच्या टक्केवारीत वाढ झाली आहे. मोठ्या प्रमाणात विद्यार्थी या परीक्षेत उत्तीर्ण झाल्यामुळे यावर्षी महाविद्यालयात प्रवेशासाठी चांगलीच स्पर्धा निर्माण होणार आहे. हिंदी सिटी कनिष्ठ महाविद्यालयचंद्रपूर : चांदा शिक्षण मंडळाद्वारे संचालित स्थानिक हिंदी सिटी कनिष्ठ महाविद्यालयाने ८२.७६ टक्के निकाल दिला आहे.नागपूर बोर्ड नागपूरद्वारा आयोजित एच.एस.सी. परीक्षा फेब्रुवारी २०१५ मध्ये हिंदी माध्यम कला शाखेत जिल्ह्यात उत्कृष्ठ निकाल दिला असून महाविद्यालयातून एकूण ५८ विद्यार्थी परीक्षेला बसले होते. त्यापैकी ४८ विद्यार्थी उत्तीर्ण झालेत. सदर निकाल ८२.७६ टक्के लागला आहे. अर्जून दिलीप शुक्ला याने ७८.६१ टक्के गुण प्राप्त करीत महाविद्यालयातून प्रथम क्रमांक पटकावला तर अंकिता अनिलकुमार यादव हिने ७५.३८ टक्के गुण प्राप्त करून द्वितीय क्रमांक पटकावला. नागभीडच्या विद्यालयांनी दिला उत्कृष्ट निकालनागभीड : बारावीच्या परीक्षेत येथील तिन्ही विद्यालयांनी निकालाची चांगली टक्केवारी दिली आहे. या निकालाने पालक वर्गात समाधान व्यक्त होत आहे.येथे जनता विद्यालय, जनता कन्या विद्यालय आणि कर्मवीर विद्यालय असे तीन उच्च माध्यमिक विद्यालय आहेत. दरवर्षीची परंपरा कायम ठेवत यावर्षी या तिन्ही विद्यालयांनी निकालात चांगली भरारी घेतली आहे. हाती आलेल्या माहितीनुसार येथील कर्मविर विद्यालयाने ९७.७१ टक्के निकाल दिला. या विद्यालयाचे १३१ विद्यार्थी परीक्षेस बसले होते. त्यापैकी १२८ विद्यार्थी पास झाले. येथील जनता कन्या विद्यालयाने ९७.१४ टक्के निकाल दिला. या विद्यालयातून १०५ विद्यार्थीनी परीक्षेस बसल्या होत्या. त्यापैकी १०२ विद्यार्थीनी उत्तीर्ण झाल्या तर जनता विद्यालयाने ९३.६८ टक्के निकाल दिला. या विद्यालयाचे २८५ विद्यार्थी परीक्षेस बसले. त्यापैकी २६७ विद्यार्थी उत्तीर्ण झाले.जनता कनिष्ठ महाविद्यालयचंद्रपूर : जनता कनिष्ठ महाविद्यालयाच्या विज्ञान शाखेचा निकाल ९९ टक्के, वाणिज्य विभाग शाखेचा निकाल ९१.९७ टक्के व कला शाखेचा ९१.३४ टक्के निकाल लागला आहे. महाविद्यालयातून विज्ञान शाखेचा संभव ए. जैन हा विद्यार्थी ९२.३० टक्के गुण प्राप्त करून प्रथम आलेला आहे. व नितिन देवतळे हा विद्यार्थी ९१.२३ टक्के गुण घेऊन द्वितीय आलेला आहे. प्राविण्य प्राप्त विद्यार्थ्यांमध्ये अक्षता टाके, शुभम तितरे, सुखदा बोझावार, हरीश खोब्रागडे, मोसम उगेमुगे, सुरव भोयर, प्रिया कासोटे, साक्षी अग्रवाल, राधा पाचपोर, सिमरन कानकाटे, साक्षीकुमार अप्पा, सदाप मो. साजिद, गौरव साखरकर यांचा समावेश आहे.वाणिज्य शाखेचा रोहन राजेश दलिया हा विद्यार्थी ८९.२३ टक्के गुण प्राप्त करून प्रथम आलेला आहे. तर द्वितीय प्रगती संतोष तरू ही विद्यार्थिनी ८४.४६ टक्के गुण घेऊन आलेली आहे. ८० टक्केहून अधिक गुण घेणाऱ्यामध्ये ०९ विद्यार्थ्यांचा समावेश आहे. कला शाखेमधून निखिता विरेंद्र देशभारतकर ही विद्यार्थिनी ७६.७६ टक्के गुण घेऊन प्रथम आलेली आहे. व दर्शना गौतम साळवे व आकांक्षा निरसन रामटेके यांनी ७१.२३ टक्के गुण घेऊन अनुक्रमे द्वितीय व तृतीय क्रमांकावर आलेली आहे. विद्या निकेतन उर्जानगरचंद्रपूर : निकालामध्ये जिल्ह्यातील विविध शाळेतील विद्यार्थ्यांनी यश प्राप्त केले आहे. यात विद्यानिकेतन उर्जानगरच्या विद्यार्थ्यांनीही परीक्षेत सुयश मिळविले. यावर्षी विद्यार्थ्यांनी १०० टक्के निकाल देऊन शाळेचे नाव उंचाविले आहे.कुमार सुरज पोहेकरने प्रथम स्थान, कुमार राजहंस जुल्मे द्वितीय स्थान तर कुमारी मोनाली माहुलकर हिने तृतीय स्थापन प्राप्त केले. विषयानुसार प्राविण्य घेण्यात विद्यार्थी मागे राहिले नाही. मोनाली माहुलकर हिने इंग्रजी, हिंदी व जीवशास्त्र या विषयात प्राविण्य प्राप्त केले तर कुमार सुरज पोहेकर याने गणित व भौतिकशास्त्रात प्राविण्य प्राप्त केले. (लोकमत चमू)ब्रह्मपुरी तालुक्याचा निकाल ९०.२५ टक्केब्रह्मपुरी तालुक्याचा निकाल ९०.२५ टक्के लागला आहे. ख्रिस्तानंद ज्युनिअर कॉलेजची नेहा सुभाष सिंग ही विद्यार्थ्यांनी ९४.९२ टक्के गुण घेऊन तालुक्यात प्रथम आली आहे. तालुक्यात २०९२ विद्यार्थी परीक्षेला बसले होते. त्यापैकी १ हजार ८८८ उत्तीर्ण झाले आहेत. ब्रह्मपुरीतील ख्रिस्तानंद ज्युनिअर कॉलेजचा निकाल १०० टक्के असून डॉ. बाबासाहेब आंबेडकर ज्युनिअर कॉलेजमधून विक्रम उमाजी हिरे याला ९१.२३ टक्के तर नेवजाबाई हितकारिणी महाविद्यालयातील नेहाल बी. भांबोरे याला ८९.२३ टक्के गुण प्राप्त झाले आहे. ख्रिस्तानंद ज्युनिअर कॉलेजची नेहा सुभाष सिंग ९४.९२ टक्के, दिपयान कुंतल विश्वास ९२.९२ टक्के तर अभिजीत विकास बनपूरकर याने ८९.२३ टक्के प्राप्त केले आहे. ख्रिस्तानंद ज्युनिअर कॉलेज १०० टक्के, नेवजाबाई हितकारिणी महाविद्यालय ९२.७०, डॉ. बाबासाहेब आंबेडकर महाविद्यालय ८७.३६, लोकमान्य टिळक ९७.८७ टक्के, नेवजाबाई हितकारिणी बॉइज ९३.६५, कृषक कनिष्ठ महा. चौगान ९०.६६, ज्ञानोपासक ज्यु. कॉलेज निलज ९०.११, लोक ज्यु. कॉलेज गांगलवाडी ९०.९१, डॉ. पंजाबराव देशमुख ज्यु. कॉलेज ४९.०६, महाराष्ट्र ज्यु. कॉलेज पिंपळगाव ६९.७७, महात्मा फुले ज्यु. मेंडकी ९३.४४, कर्मविर कनिष्ठ मुडझा ९४.२०, कर्मवीर कन्नमवार सुरबोडी ८४.६२, विकास उच्च माध्य. विद्यालय अऱ्हेरनवरगाव ६५.७१, अनुदानित उच्च महाविद्यालय आश्रमशाळा ८९.१९ टक्के याप्रमाणे आहे. नेवजाबाई हितकारिणी महाविद्यालयातील एम.सी.व्ही.सी. शाखेचा निकाल ९१ टक्के आहे.तालुक्यात प्रथम येऊन नेहाने दिली गुरूदक्षिणाब्रह्मपुरी : शिक्षणाविषयी मनापासून आवड असली की शिक्षणाचे दारेही आपसुकच उघडतात. याचा प्रत्यय ब्रह्मपुरीत आला आहे. घरची हलाखीची परिस्थिती. शैक्षणिक साहित्य घेतानाही विचार यायचा. पैसे नसल्याने बारावी शिकता येईल की नाही, हाही प्रश्नच होता. अखेर शिक्षकांनीच मिळून तिच्या शिक्षणाचा भार उचलला. बुधवारी लागलेल्या बारावीच्या निकालात या मुलीनेही तालुक्यात प्रथम येत आपल्या गुरुजणांना गुरुदक्षिणा दिली. नेहा सुभाष सिंग असे या मुलीचे नाव असून ती ९४.९२ टक्के घेऊन तालुक्यात प्रथम आली आहे. नेहाचे वडील सुभाष सिंग गौरव पेपर मिलमध्ये मजुरीचे काम करतात. अल्पशा मजुरीवर कुटुंबाचे उदरनिर्वाह करून मुलीला चांगल्या ख्रिस्तानंद शाळेत टाकले. मात्र शिकविणे कठीण जात होते. मात्र नेहाची शिक्षणाविषयीची जिद्द व हुशारी कायम होती. आई गृहिणी आहे. जे मिळेल त्यावर समाधान मानून मुलींच्या अभ्यासाकडे लक्ष देणे हेच आईचे कर्तव्य. जेव्हा नेहाने आर्थिक अडचण जाणवली, तेव्हा ख्रिस्तानंदच्या अ‍ॅलीस नामक शिक्षिकेने मदत करून धिर दिला. इतर शिक्षकांनीही परीक्षेचे शुल्क, साहित्य घेण्यास मदत केली. कुठलीही ट्युशन नाही. केवळ शाळेत शिकविल्या जाणाऱ्या तासामधून नेहाने तालुक्यात प्रथम येण्याचा मान पटकविला.