भद्रावती :
संपूर्ण देशात स्वच्छ सर्वेक्षण-२०२१ अंतर्गत "माझी वसुंधरा अभियान" राबविण्यात येत आहे. त्यात भद्रावती शहरसुद्धा सहभागी झालेले आहे. त्याअंतर्गत नगर परिषद क्षेत्रात शनिवारी सकाळी गवराळा तलाव व गणेश मंदिर परिसरात श्रमदानातून स्वछता अभियान राबविण्यात आले.
त्यात न. प. भद्रावती अध्यक्ष, नगरसेवक, अधिकारी, कर्मचारी, सफाई कर्मचारी, इको-प्रो तसेच इतर सामाजिक संघटनांनी उत्स्फूर्तपणे सहभाग दर्शविला. प्रत्येक महिन्याच्या पहिल्या शनिवारी व तिसऱ्या शनिवारी वेगवेगळ्या ठिकाणी स्वच्छता अभियान राबविण्यात येणार असल्याने भद्रावती शहरातील नागरिकांनी, सामाजिक संघटनांनी त्यात सहभागी होऊन नगर परिषदेस सहकार्य करावे, असे आवाहन नगर परिषद भद्रावतीचे अध्यक्ष अनिल धानोरकर व मुख्याधिकारी सूर्यकांत पिदूरकर यांनी केले आहे.