लोकमत न्यूज नेटवर्कशेगाव : स्थानिक पोलिसांनी मोहाडा गावाजवळील टेमुर्डा रोडवर नाकाबंदी करुन एका चारचाकी वाहनातून २२ पेट्या देशी दारु व वाहन असा चार लाख २० हजार रुपयांचा मुद्देमाल जप्त केला. बंडू भाऊराव कुसुरकर याला अटक करण्यात आली. तर लक्ष्मण सिंग विठ्ठल सिंग रा. टेमुर्डा व राजू बहेलिया रा. टेमुर्डा या दोघांचा शोध सुरु आहे.चारचाकी वाहनातून दारुची तस्करी होत असल्याची माहिती शेगाव पोलिसांना मिळाली. या माहितीच्या आधारावर मोहाडा गावाजवळील टेमुर्डा मार्गावर नाकाबंदी करण्यात आली. दरम्यान एमएच ३४ के १९०४ वाहनाची तपासणी केली असता वाहनात २२ पेट्या देशी दारु आढळून आली. पोलिसांनी सर्व दोन लाख रुपये किंमतीची दारु व वाहन असा चार लाख रुपये किंमतीचा मुद्देमाल जप्त करण्यात आला. याप्रकरणी एकाला अटक करण्यात आला असून फरार दोघांचा शोध सुरु आहे. ही कारवाई ठाणेदार सुधीर बोरकुटे यांच्या मार्गदर्शनात देवा डुकरे, निकिता रसावर पोलीस हवालदार विठ्ठल आदींनी केली.भद्रावतीत २० पेट्या देशी दारु जप्तभद्रावती : पोलिसांना मिळालेल्या गुप्त माहितीच्या आधारे छत्रपती चौकात धाड टाकून पोलिसाननी दोन लाख रुपये किंमतीच्या २० पेट्या दारु जप्त केली. याप्रकारणी दोघांवर गुन्हा दाखल करण्यात आला आहे. ही कारवाई रविवारी सकाळी १० वाजता करण्यात आली. स्थानिक छत्रपती ले-आऊट जवळील झुडपामध्ये अवैध दारु अज्ञात इसमांनी लपवून ठेवल्याची गुप्त मािहती भद्रावती पोलिसांना मिळाली. या माहितीच्या आधारावर भद्रावती पोलिसांनी छत्रपती चौकात पाहणी केली असता त्याठिकाणी दोन लाख रुपये किंमतीची २० पेट्या दारु आढळून आली. पोलिसांनी सर्व दारु जप्त केली. याप्रकरणी दोघांवर गुन्हा दाखल करण्यात आला असून त्याचा शोध सुरु आहे. ही कारवाई ठाणेदार सुनीलसिंग पवार यांच्या मार्गदर्शनात सहाय्यक पोलीस निरीक्षक अमोल तुळजेवार, सचिन गुरनुले, हवालदार राजेश वºहाडे, निकेश ढेंगे, चालक अच्यूत नांदेकर यांच्यासह भद्रावती पोलीस पथकांनी केली. फरार आरोपींचा शोध सुरु आहे.
२२ पेट्या दारुसह एकाला अटक
By लोकमत न्यूज नेटवर्क | Updated: June 29, 2020 05:00 IST