चंद्रपूर शहर महानगरपालिकेच्या आसरा कोविड रुग्णालयामध्ये रविवारी झालेल्या छोटेखानी कार्यक्रमात आयसीआयसीआय बँकेने रुग्णवाहिका मनपाला सुपूर्द केली. यावेळी महापौर राखी कंचर्लावार, आयुक्त राजेश मोहिते, उपमहापौर राहुल पावडे, स्थायी समिती सभापती रवी आसवानी, आयसीआयसीआय बँकेचे रिजनल हेड विवेक बल्की, सत्ता पक्षनेता संदीप आवारी, नगरसेवक संजय कंचर्लावार, श्रीमती मोहिते, उपायुक्त विशाल वाघ, उपायुक्त अशोक गराटे, आरोग्य वैद्यकीय अधिकारी डॉ. आविष्कार खंडारे, आयसीआयसीआय शाखा व्यवस्थापक श्रीकांत ठाकूर, विवेक चौधरी, वैभव माकोडे आदी उपस्थित होते.
याच आठवड्यात आयसीआयसीआय बँकेने सीएसआर फंडातून चंद्रपूर शहर महानगरपालिकेला ऑक्सिजन कॉन्सन्ट्रेटर मशीन भेट दिली होती. चंद्रपूर शहर महानगरपालिकेतर्फे ४५ खाटांचे कोविड रुग्णालय साकारण्यात आले आहे. येथे गंभीर रुग्णांना रुग्णालयात हलविण्यासाठी ही रुग्णवाहिका देण्यात आली. याशिवाय कोरोना रुगांना मदत व्हावी, यासाठी आणखी सहकार्य करू, असे आश्वासन आयसीआयसीआय बँकेचे रिजनल हेड विवेक बल्की यांनी दिले.