शासकीय तंत्रनिकेतनच्या मॉडेल रूमला आग

रविवारची सुट्टी होती. परंतु सदर महाविद्यालयात एका छोटेखानी कार्यक्रमाचे आयोजन करण्यात आले असल्यामुळे सकाळी ९ वाजताच्या सुमारास महाविद्यालयातील काही प्राध्यापक महाविद्यालयात आले. त्यांना काहीतरी जळत असल्याचे लक्षात आले. त्याच क्षणी सदर प्राध्यापकांनी ज्या दिशेने जळका वास येत होता, त्या दिशेने धाव घेत पाहाणी केली असता महाविद्यालयातील स्थापत्य अभियांत्रिकीकरिता असलेल्या प्रात्यक्षिक खोलीला आग लागल्याचे त्यांच्या निदर्शनास आले.

लोकमत न्यूज नेटवर्कब्रम्हपुरी : शहरातील शासकीय तंत्रनिकेतन महाविद्यालयातील प्रात्यक्षिक खोलीला (मॉडेल रूमला) रविवारी सकाळी ९ वाजताच्या सुमारास अचानक आग लागली. यात खोलीतील संपूर्ण साहित्य जळून खाक झाले.रविवारची सुट्टी होती. परंतु सदर महाविद्यालयात एका छोटेखानी कार्यक्रमाचे आयोजन करण्यात आले असल्यामुळे सकाळी ९ वाजताच्या सुमारास महाविद्यालयातील काही प्राध्यापक महाविद्यालयात आले. त्यांना काहीतरी जळत असल्याचे लक्षात आले. त्याच क्षणी सदर प्राध्यापकांनी ज्या दिशेने जळका वास येत होता, त्या दिशेने धाव घेत पाहाणी केली असता महाविद्यालयातील स्थापत्य अभियांत्रिकीकरिता असलेल्या प्रात्यक्षिक खोलीला आग लागल्याचे त्यांच्या निदर्शनास आले. लगेच याची माहिती संबंधित प्राध्यापकाने प्राचार्यांना दिली. प्राचार्यांनी लगेच अग्निशामक दलाला ताबडतोब महाविद्यालयात पाचारण केले. अग्निशामक दलाच्या कर्मचाऱ्यांनी जवळपास एक तासाच्या प्रयत्नानंतर आग आटोक्यात आणली. मात्र तोपर्यंत खोलीतील संपूर्ण साहित्य जळून खाक झाले होते. ही आग नेमकी कशामुळे लागली, हे अद्याप स्पष्ट झाले नाही. मात्र शॉर्टसर्किट होऊन आगीची ठिणगी सदर खोलीमध्ये असलेल्या डांबर, बेंझीन आदी ज्वलनशील पदार्थावर पडल्यामुळे आग लागली असावी, असा अंदाज व्यक्त करण्यात येत आहे. सदर घटनेची तक्रार ब्रह्मपुरी पोलीस स्टेशनमध्ये करण्यात आली असून पुढील तपास पोलीस करीत आहेत.