उपजिल्हा रुग्णालयात आक्रोश...आक्रोश आणि आक्रोश !

सिरसपूर (शिवरा) गावात पऱ्हाटीचे निंदन करून मजूर घेऊन गावाकडे परतणाऱ्या एम.एच.३४ एबी-९०३४ क्रमांकांच्या टाटा एस वाहनाला ट्रॅक्टरची धडक बसली.

शेतमजुरांच्या वाहनाला अपघात : ४३ मजुरांपैकी अनेकांची प्रकृती चिंताजनकचिमूर : सिरसपूर (शिवरा) गावात पऱ्हाटीचे निंदन करून मजूर घेऊन गावाकडे परतणाऱ्या एम.एच.३४ एबी-९०३४ क्रमांकांच्या टाटा एस वाहनाला ट्रॅक्टरची धडक बसली. या अपघातात जखमी ४० मजूर जखमी झाल्याची घटना बुधवारी सायंकाळी घडली होती. जखमी मजुरांना चिमूरच्या उपजिल्हा रुग्णालयात दाखल करण्यात आले. मात्र रुग्णालयात एकच डॉक्टर असल्याने उपचारास विलंब होत असल्याने अनेक रुग्ण व्हिवळत होते. त्यामुळे नागरिकांनी आरोग्यसेवेविषयी आक्रोश व्यक्त केला. मागील अनेक दिवसांपासून नागभीड तालुक्यातील गोविंदपूर येथील महिला-पुरुष मजूर चिमूर तालुक्यात पऱ्हाटीचे निंदन काढण्याच्या कामावर येत आहेत. बुधवारी सकाळी ७ वाजता शिदोरी घेवून लहान, मोठे व वृद्ध असे मिळून ४३ मजूर मजुरीसाठी सिरसपूर (शिवरा) येथे टाटाएस या चारचाकी वाहनाने आले. वाहनाच्या क्षमतेपेक्षा जास्त मजूर भरलेले होते. दिवसभर शेतावर कामकरून गावाकडे परितीला निघाले असता, सायंकाळी ७ वाजताच्या सुमारास मांगलगाव-जांभुळजाट रस्त्यावर समोरुन येणाऱ्या ट्रॅक्टरला जबरदस्त धडक बसली. त्यामुळे मजूर भरुन असलेले वाहन रस्त्याच्या खाली पलटले. यात सर्व मजूर जखमी झाले. समोरासमोर वाहनांची धडक बसून अपघात झाल्याने अनेक जण एकमेकांच्या अंगावर पडले. काही खाली दबले तर काही फेकल्या गेले. या प्रकारामुळे घटनास्थळावर जखमींच्या किंचाळ्या सुरू झाल्या. अपघाताची माहिती जांभुळघाट व मालेवाडा गावाला मिळताच अनेकांनी जखमींना बाहेर काढण्यासाठी मदत केली. जखमींना प्राथमिक आरोग्य केंद्र जांभुळघाट व उपजिल्हा रुग्णालय चिमूर येथे उपचारासाठी रवाना करण्यात आले. यासाठी शंकपूर, जांभुळघाट, चिमूर व नेरी आरोग्य केंद्राच्या रुग्णवाहिका घटनास्थळी आल्या. घटनेच्या तपास भिसी पोलीस करीत असून दोन्ही वाहन चालकाविरुद्ध कारवाई करण्यात आली आहे. (प्रतिनिधी)एकाच डॉक्टरावर रूग्णांचा भारउपजिल्हा रुग्णालय होवून तीन-चार वर्षाचा कालावधी लोटला. मात्र रुग्णालयात डॉक्टरांची पदे रिक्त आहेत. तर अनेक अत्याधुनिक उपकरणाचा व तांत्रिकांची वानवा आहे. बुधवार सायंकाळी अचानक अपघातात ३० ते ४० जण जखमी अवस्थेत रुग्णालय दाखल करण्यात आले. मात्र रुग्णालयात डॉ. बेंडले एकटेच असल्याने त्यांची चांगलीच तारांबळ उडत होती. आधी कुणाला सेवा द्यावी, हा प्रश्न त्यांच्यासमोर उभा राहात होता. रुग्णांसाठी खाटांची संख्याही कमी पडत होती. सहा रूग्णांना नागपूर हलविले अपघातात जखमी झालेल्यांमध्ये सुभाष खामदेवे (३५), शिला चंदनखेडे (५०), नागेश्वर नैताम (३०), सुनंदा दहीकर (३५), आकाश सुभाष खामदेवे (१७), शंकर बहु आवारी (३५), मिरा विश्वनाथ भरडे (४५), सुनिता खाडे (३५), मीना यादव बन्सोड (३६), सुमित्रा जयराम दुधपुरे (५०), मंदा गुरुदास कामडी, मोहित तोरपकवार (१७), पंचशिला बन्सोड (४०), माया अरुण सहारे (३८), सिताबाई सामुसाकडे (४०), संगीता गुलाब मडावी (३८), प्रतिभा काशीनाथ मसराम, विजया नानाजी बांबोळकर, रंजना गजानन चन्ने, अश्विनी गुलाब सहारे (१९) यांचा समावेश आहे. यापैकी गंभीर जखमी ६ रुग्णांना नागपूर येथे हलविण्यात आले तर काही चंद्रपूर येथे हलविण्यात आले. उर्वरित रुग्ण चिमूर येथे उपचार घेत आहेत. नागरिकांनी गजबजले उपजिल्हा रुग्णालयघटना माहित होताच अनेकांनी रुग्णालयामध्ये धाव घेतली. त्यामुळे रुग्णालयामध्ये दुचाकी वाहनासह चारचाकी वाहनाची रिघ लागली व नागरिकांनी रुग्णालयात गजबजले. ठाणेदार दिनेश लबडे यांनी उपचारात बाधा येवू नये म्हणून सुरक्षा व्यवस्था लावली. जेवनाची व्यवस्था चिमूर येथील सामाजिक कार्यकर्ते प्रदीप बंडे व आमदार भांगडिया मित्र मंडळ तर्फे विनोद शर्या यांनी करून जखमी व नातेवाईकांना मसाला भाताचे वितरण केले. अचानक घडलेल्या घटनेने रुग्णालयातील मनुष्यबळ कमी पडू लागले. त्यामुळे अनेक समाजसेवी व्यक्तीसह नागरिकांनी जखमींना आपल्या परिने मदत केले.