अरुण धोटे : रोगनिदान शिबीर
राजुरा : कोरोनासारख्या महामारी संकटात समाजाला आधार देण्याचे काम डॉक्टरांनी केलेले आहे. राजुरासारख्या ठिकाणी गोरगरीब जनतेला आरोग्यसेवा मिळावी म्हणून डॉ. स्वप्निल चिल्लावार यांनी निःशुल्क रोगनिदान शिबिराचे आयोजन केले आहे. हा प्रेरणादायी उपक्रम आहे, असे प्रतिपादन नगराध्यक्ष अरुण धोटे यांनी केले.
चिल्लावार हॉस्पिटल राजुराच्या वतीने नुकतेच तालुक्यातील रुग्णांसाठी मोफत रोगनिदान व मार्गदर्शन शिबिराचे आयोजन केले होते. या कार्यक्रमास मार्गदर्शन करताना अरुण धोटे बोलत होते. याप्रसंगी मंचावर उपनगराध्यक्ष सुनील देशपांडे, विनायक चिलावर, संध्या चिलावार, डॉ. स्वप्निल चिल्लावार, समीर चिल्लावार, मयुरी चिल्लावार,नेहा चिल्लावार यांची उपस्थिती होती. चिल्लावार हॉस्पिटलतर्फे नगराध्यक्ष अरुण धोटे व उपनगराध्यक्ष सुनील देशपांडे यांचा शाल, श्रीफळ देऊन सत्कार करण्यात आला. तसेच कोरोना संकटात उत्कृष्ट काम करणाऱ्या पत्रकारांचा सत्कार यावेळी करण्यात आला. कार्यक्रमास ज्येष्ठ पत्रकार डॉ. उमाकांत धोटे, चरणदास नगराळे, प्रा. बी. यु.बोर्डेवार, एजाज अहमद, सुरेश साळवे,गणेश बेले,एम. के. सेलोटे,आनंद चलाख, फारुक शेख ,श्रीकृष्ण गोरे, अनंत गोखरे उपस्थित होते.
आरोग्य शिबिराचा तालुक्यातील जवळपास पाचशे रुग्णांनी लाभ घेतला. यामध्ये मधुमेह, रक्तदाब, बोंड डेन्सिटी, थायराइड, न्यूरोपैथी पल्मनरी फंक्शन यांची तपासणी करण्यात आली.