बाॅक्स
बांधकाम साहित्य लाॅकडाऊन आधीचे दर नंतरचे दर
वाळू २६००० ५४०००
गिट्टी १४००० १८०००
विटा ५५०० ६५००
स्टील ४००० ४७००
सिमेंट २६० ३२०
बाॅक्स
बांधकाम साहित्याचे दर का वाढले ?
लाॅकडाऊननंतर बांधकाम क्षेत्र पूर्णत: प्रभावित झाले होते. त्यानंतर शिथलता मिळताच बांधकाम करणे सुरु आहे. अनेकांनी घरांचे बांधकाम सुरु केले आहे. मागणी वाढल्यामुळे साहित्याचे दर वाढले आहे. विशेषत: लाॅकडाऊनमध्ये अनेक कंपन्या बंद होत्या. उत्पादनावर त्याचा परिणाम झाला. जसे विटा तयार करणे पूर्णपणे बंद होते. आता बांधकाम सुरु झाल्यामुळे मागणी वाढली. मात्र अनेकवेळा विटा मिळत नसल्यामुळे दर वाढवून विक्री केली जात आहे.
-----
चंद्रपूर : लग्न पाहावे करून आणि घर पाहावे बांधून, या म्हणीप्रमाणे दिवसेंदिवस घर बांधणे सामान्य नागरिकांना अवघड होत आहे. कोरोना लाॅकडाऊननंतर तर बांधकाम साहित्याचे दर गगणाला भिडले आहे. त्यामुळे सामान्य नागरिकांचे घर बांधण्याचे स्वप्न हे केवळ स्वप्न ठरत आहे.
सामान्यत: दिवाळीनंतर घर बांधकाम करण्याचा नागरिकांचा कल असतो. मात्र मार्च महिन्यामध्ये लाॅकडाऊन करण्यात आले त्यामुळे सर्वत्र ठप्प झाले. आता अर्धवट असलेले बांधकामे पूर्ण केल्या जात आहे. त्यातच लाॅकडाऊनमध्ये बहुतांश कंपन्या बंद असल्यामुळे आणि मागणीच्या तुलनेत साहित्याची आवक घटल्यामुळे बांधकाम साहित्याचे दर वाढले आहे. विशेष म्हणजे, अद्यापही वाळू घाटांचे लिलाव झाले नाही. त्यामुळे लपून छपून काहीजण वाळू पुरवित असले तरी भाव मात्र अव्वाच्या सव्वा द्यावा लागत आहे. लाॅकडाऊनपूर्वी एक हायवा वाळूसाठी साधारणत: २६ हजार मोजावे लागत होते. आता त्याचे दर ५४ ते ५५ हजारापर्यंत पोहचले आहे. तर गिट्टीचेही दर तीन ते चार हजाराने वाढले आहे. एक हजार विटांसाठी ५ पाच हजार मोजावे लागत होते. आता तेवढ्याच विटांसाठी ६ हजार ५०० रुपयांपर्यंत दर वाढले आहे. सिमेंटचेही दर वाढले असून २५० ते २६० रुपयांना मिळणारी सिमेंट बॅंग आता ३२० रुपयांवर पोहचली आहे. त्यामुळे सामान्य नागरिकांना घर बांधणे अवाक्याबाहेेर जात आहे.
-
कोट