RRB Group D Recruitment 2025 : नवी दिल्ली : अनेक तरुणांना भारतीय रेल्वेतनोकरी करण्याची इच्छा असते. यासाठी ते प्रयत्न करत असतात. दरम्यान, भारतीय रेल्वेने नोकर भरतीसंदर्भातील नियमांत काही बदल केले आहेत. जर तुम्हालाही रेल्वेमध्ये ग्रुप डी भरतीसाठी अर्ज करायचा असेल, तर ही बातमी तुमच्यासाठी महत्त्वाची आहे.
सध्या ग्रुप डी वर्गातील पदांच्या भरतीसाठी अर्ज प्रक्रिया सुरू आहे. या भरती मोहिमेद्वारे ३२ हजारांहून अधिक पदांची भरती केली जाणार आहे. यादरम्यान, रेल्वे भरती बोर्डाने एक महत्त्वाची सूचना जारी केली आहे. ही सूचना अधिकृत वेबसाइटवर प्रसिद्ध करण्यात आली आहे. इच्छुक उमेदवार अधिकृत वेबसाइटला भेट देऊन सूचना तपासू शकतात आणि डाउनलोड करू शकतात.
जारी केलेल्या सूचनेत असे म्हटले आहे की, रेल्वे आस्थापनांमध्ये कोणत्याही ट्रेडचा अभ्यासक्रम पूर्ण केलेले प्रशिक्षित अॅक्ट अप्रेंटिस (सीसीएए) ग्रुप डी भरतीमध्ये अर्ज करू शकतात. तसेच, या भरतीसाठी सीसीएए, ज्यांनी रेल्वे आस्थापनांमध्ये प्रशिक्षण घेतलेले आहे आणि एनसीव्हीटीद्वारे मिळालेले राष्ट्रीय अप्रेंटिसशिप प्रमाणपत्र (एनएसी) असलेलेच फक्त पात्र आहेत. एनसीव्हीटी व्यतिरिक्त इतर कोणत्याही बोर्ड/संस्था/संस्थेने प्रमाणपत्रे दिलेले पात्र नाहीत, असेही सूचनेत म्हटले आहे.
याचबरोबर, "रेल्वे आस्थापनांमध्ये प्रशिक्षित सीसीएए, ज्यांनी आपले प्रशिक्षण पूर्ण केले आहे आणि ज्यांच्याकडे एनसीव्हीटीद्वारेद्वारे प्रदान केलेले राष्ट्रीय अप्रेंटिसशिप प्रमाणपत्र (एनएसी) आहे, त्यांनी प्रशिक्षण कालावधी, प्रमाणपत्राची माहिती आणि गुण ऑनलाइन अर्जात काळजीपूर्वक भरले पाहिजेत. ज्या उमेदवारांनी ऑनलाइन अर्जाच्या शेवटच्या तारखेपूर्वी म्हणजेच २२.०२.२०२५ पूर्वी एनसीव्हीटी परीक्षा दिली आहे, परंतु ज्यांचा निकाल जाहीर झालेला नाही, त्यांनी ऑनलाइन अर्जात शेवटच्या परीक्षेची तारीख द्यावी लागणार आहे", असेही सूचनेत म्हटले आहे.
अर्ज करण्याची शेवटची तारीख३२ हजारांहून अधिक पदांसाठी भरतीसाठी सुरू असलेली अर्ज प्रक्रिया २२ फेब्रुवारी २०२५ रोजी संपणार आहे. त्याच वेळी, शुल्क भरण्याची शेवटची तारीख २४ फेब्रुवारी २०२५ आहे. या भरती मोहिमेद्वारे एकूण ३२४३८ पदे भरली जातील.